吕爵安成立收费个人官方歌迷会 “爵屎”内讧不满未换admins

MIRROR成员吕爵安（Edan）有唔少“爵屎”（Fans暱称），但最近却出现歌迷内讧事件。话说昨晚（25日）喺Edan粉丝群组的admin宣布，将会成立收费个人官方歌迷会，但竟惹来“爵屎”极度不满叫Edan“找数”换admins班底，原来早喺大半年前喺种种原因下，“爵屎”要求Edan更换admins班底，Edan答应后却未兑现承诺。虽然Edan工作忙到癫，但都有顾及“爵屎”感受，火速喺群组内打千字文“拆弹”，仲解释冇换admins班底系公司嘅意思。

 

吕爵安话头醒尾，又唔作状，好得人心。

 

Edan说：“大家好，知道大家有好多嘢想了解，好明白亦好正常的，我而（?）家就解答一啲大家嘅疑惑。”他表示：“见到好多人问点解话处理，但隔咗咁耐都唔处理（换admins班底）？其实当初FC有事发生，我都即刻同公司汇报，而公司嘅feedback系唔希望我再参与任何有关FC嘅事宜，希望我专注返做好自己嘅工作，FC嘅事情就交由返公司去处理，所以𠮶次之后我就冇再去处理，交哂畀公司。”

 

Edan写长文平息“爵屎”不满。

 

他再说：“而我得知嘅结果就系，公司唔希望我将admins们换走，因为始终牵涉到好多金钱上，保密上等等嘅问题，所以公司希望保留返原有已经建立了信任嘅admins，亦希望佢哋可以成立一间公司，更好咁聚集每一位爵屎，更有效率咁运作一个Fansclub，而admins们亦承诺会尽力做好，吸取过往嘅经验，继续为大家服务。”

 

Edan望“爵屎”可以冷静少少。

 

Edan最后好感恩愈嚟愈多人加入“爵屎”大家庭，愈嚟愈多人喜欢吕爵安。他又为admins同事护航：“由于爵屎人数愈嚟愈多，admins可能真系负荷唔到现有嘅工作量，所以公司同admins们决定将会在演唱会后重整FC，招募更多admins，详细方案将会在稍后公布，希望此举可以壮大FC，加入更多不同的意见，有更多力量去运作，知道大家系因为爱我先会咁紧张，我亦希望FC会在未来变得更好，希望大家可以畀多啲时间公司同admins们去处理。”

 

Edan话，公司同admins们决定将会在演唱会后重整FC。

 

Edan世界各地嘅“爵屎”愈嚟愈多。

 

Edan主演嘅ViuTV新剧《I SWIM》即将喺7月11日晚开播。

 

星岛新闻集团庆回归25周年专题网站，请即浏览

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。