林作反對姜濤話追星要理智 強調偶像不能食碗面反碗底不可一世

「抽水王」林作繼追擊陳凱琳孖生弟弟Derek求驗DNA後，再就「人氣王」姜濤拒絕合照「隱衷論」發表意見，不過今次就戴定頭盔，強調無意挑釁姜糖（姜濤Fans暱稱），也非抽水，他只講出重點來，要不平則鳴，就係追星本身又點會係理智？追星本身就係唔理智行為啦！同時認為偶像不能食碗面反碗底，更不能不可一世。林作呢番理論獲部份支持，為佢負面形象攞返少少分。

 

「抽水王」林作強調係講情理，無意挑釁姜糖（姜濤Fans)，也非抽水。

 

姜濤今日喺社交平台撰寫長文，就拒絕跟fans合照有隱衷分享內心感受。

 

林作繼追擊陳凱琳孖生弟弟Derek求驗DNA後，再惹火頭。

 

林作曾自誇讚跟姜濤成就同樣咁勁，所以好留意姜濤嘅一舉一動，對於姜濤今日解釋拒同姜糖合照、簽名，甚或錄一句生日祝福嘅難處，林作唔大認同，他喺社交平台留言：「無意挑釁，我自己也有下線係姜生粉絲。但請問追星本身又點會係理智？追星本身就係唔理智行為啦！理智就唔會去追星啦吓嘛？！如果我去追你星，追少少你都會話我癲癲哋啦？就好似同人講：上牀要理智一樣地矛盾。我理智我仲點搞人啊！既然都係不理性行為，咁做就去盡吧！做得就本身係感性行為，我憑什麼要理智！要追就他媽的瘋狂地追！如果唔係點稱得上追星？點稱職？你無需自責！你要自豪可以搞到人地瘋狂。至少你班fans同你齊齊整整留在香港，冇被你搞到遠走加拿大。」

 

林作平日工作咁忙，都有時間喺社交網發長文。

及後他再出Po否認又係抽水行為：「再次地，其實很多時候我根本不是要抽水，而是不平則鳴。個樣冇可能係，咁我就講。反智，咁我又出聲，僅此而已。注意：我不反對追星啊，我支持！人係感性動物，總要有啲非理性嗜好。我只是認為偶像不能食碗面反碗底。更不能不可一世。」

 

之後他再有補充篇。

 

有網民支持林作言論。

 

 

姜濤會唔會理林作呢？

 

星島新聞集團慶回歸25周年專題網站，請即瀏覽

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。