羅家英勁玩得兼零架子 呂爵安爆「長輩圖」維繫3年友情

呂爵安（Edan）向來搞笑零偶包，昨晚（25日）他在社交網貼了拍攝歌曲《Elevator》MV時的兩張照片，一張是Key 了自己妝前素顏的樣子，另一張則是正在化妝的靚仔樣，他寫道：「髮型和化妝的重要性，在此衷心感謝我們的髮型師和化妝師。 #越嚟越多新髮型 #衝擊大家視覺 #人靠衣裝。」

拍攝這首歌時，Edan亦有出Po特別感激75歲羅家英這位「老頑童」合照演出，他透露與家英哥是在2019年一齊去台灣拍攝《臺灣文西Only You》的綜藝節目，大讚對方超級Nice和玩得：「我成日冇大冇細佢又唔介意，同我嘅關係就好似朋友咁，乜都玩一餐，勁開心??。嗰次之後我哋都冇機會再合作，但令我哋保持聯絡嘅嘢就係<<長輩圖>>！?? 家英哥周不時就會sd長輩圖俾我同我講早晨，真係勁cute???」。

 

家英哥同年輕一輩完全冇隔膜。

佢哋原來喺2019年一齊去台灣拍攝《臺灣文西Only You》嘅綜藝節目時認識。

Edan邀家英哥拍MV，對方一口答應。

家英哥好有心，成日朝早send長輩圖畀Edan。

 

而近排Edan 都嘗試了很多新造型，早前在新戲《死屍死時四十四》中的駁髮造型，更自封「木村拓安」及「山下智安」。

 

Edan自封「木村拓安」及「山下智安」。

向來冇偶包。

幾時都係人靠衣裝。

 

「登神 CP」再現火花

另外，早前Edan 與Anson Lo （盧瀚霆）這對「登神 CP」再度合體為珠寶品牌拍攝宣傳片。今日廣告商再發佈了一條長達一分鐘的拍攝花絮短片，片中二人的互動充滿火花，笑聲不斷，其中一幕情深對望的鏡頭，二人一埋位就不禁大笑，頻頻NG，相當搞笑；其後Anson Lo 又大晒舞技，而Edan 則化身小提琴王子，盡展所長。

當導演要求二人可以鬼馬一點時，二子即合拍地做出浮誇的表情，Anson Lo 更笑言：「觀眾心諗點解要鬼馬啲」。其後Anson Lo 更擺出心心花花等手勢，表情可愛。接著二人又大玩足球機、泡泡槍、層層疊等，兩子如大細路般玩得相當盡興，除玩爛了足球機的手柄，更用泡泡槍互射，充滿着歡樂的氣氛，網民都紛紛留言表示：「睇佢哋玩得好開心，感覺好治癒」。

 

「登神 CP」再拍廣告。

默契十足。

神徒一定覺得好可愛。

 

更多新冠疫情資訊，請到以下專頁瀏覽（按此）

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。