頭條獨家丨郭玥彤搬獨立屋創造3千呎兒童樂園 ?模靚媽疫情冇得帶囡囡出街玩

35歲郭玥彤(前名郭穎兒,Celia K.2010年以?身份出道,出過寫真拍過電影,2016年跟生意人李冠鋒結婚並淡出幕前,先後誕下3個女兒。早前她先後亮相ViuTV《媽咪Kingdom》及TVB360秒人生課堂》節目,分享由?變成3女之母的心路歷程。凡事以三女為先的Celia K.3千多呎獨立屋,變為兒童樂園,雖然全屋被玩具同小朋友物品侵佔,但可以跟囡囡一齊成長,Celia K.坦言目前的生活相當開心。

採訪:杜杜 攝影:沈健程

Celia K.話平日3個囡囡最愛黐住爸爸,連食嘢都要坐住大髀,造就這次影全家福機會。

 

2012年,Celia K.以?模身份,推出首本寫真集《Missing Celia K.》。

 

2016年,Celia K.跟生意人李冠鋒結婚,並淡出幕前。

節目播出後,有網民留言鼓勵Celia K.,「最感動有網民話,『你可以將一啲我哋認為好難堪嘅嘢,用幽默方式表露,你真係冇所謂去分享,真係好值得鼓勵』,諗返係有啲難堪,但題目係用?嘅人生階段去講,冇後悔嘅,中間有少少唔開心同迷惘,但如果可以影響到一啲同路嘅媽媽,都係做咗件好事。」

早前Celia K. 獲好友Bob邀請參加《360秒人生課堂》,老公都有現身支持。

學識享受做阿媽

Celia K.婚後6年來不斷經歷懷孕、生BB和湊BB過程,她承認過程很迷失,「以前做?,會有導演教你,有人從旁協助你,或者你可以睇其他人攞經驗,但係做媽媽要自己汲取經驗,中間有段時間唔知自己做緊咩,長期瞓、食、生、湊咁樣,好迷惘,冇晒目標,覺得一世就係咁。」

Celia K.是3女之母,包括5歲長女李明芯、3歲次女 李明珈及1歲幼女李明臻。

 

Celia K.跟丈夫位於2樓的主人房,已算全屋唯一沒有小朋友物品的地方。

不過Celia K.見到老公湊小朋友好快上手,亦學識享受跟小朋友一齊成長,她亦開始學習,搵到做媽咪樂趣,亦從囡囡學識某樣嘢獲取成功感。「以前喺工作上有成功感,?家可能係同佢哋相處,或者教曉佢哋某啲待人處事。」現在Celia K.凡事都以3個女行先,shopping亦是,「買佢哋啲嘢買得最開心,去旅行第一時間搵大型嘅連鎖嬰兒同幼童嘅舖頭,爆買幾篋返嚟,換嘅現金第二日就冇晒,冇自己份已經成為習慣。」

 

1樓是小朋友睡房,以及主要玩樂空間。

 

1樓的玩樂空間,設有兩個囡囡最愛的波波池。

開頻道拉近關係

疫情下,Celia K.與丈夫為小朋友搬到屯門3千呎獨立屋居住,「疫情第一波我哋住喺一個屋苑嘅頂樓,因為要搭?,每日要經過50幾樓會好危險,加上佢哋冇乜活動空間,日日困喺屋企就好癲,先生就提議物色一間屋仔,可以擺到我哋咁多人,又可以有啲空間畀佢哋游水、踩單車,跑吓,撞啱見到呢度。」

Celia K.的麻雀房,亦被囡囡的鋼琴所霸佔。

 

Celia K.屋企唔多擺設,最多也是一家人的照片。

由於小朋友愛畫牆,所以新屋入伙前Celia K.冇特別裝修,預留更多空間給女兒,「只係擺啲生活必需品,其他全部係佢哋啲嘢,每層都有張牀,地下又有啲書,等佢哋唔使行嚟行去,本身預個廳唔擺玩具,佢哋都會攞落嚟,1樓預畀佢哋做玩樂空間,有日老公話不如擺個波波池喺度,再有滑梯等等,愈加愈多佢哋喜歡嘅嘢。」本來老公安排了一間麻雀房及天台按摩池讓Celia K.跟朋友聚會,但最後多了個鋼琴及沙池,逐漸被囡囡物品侵佔,Celia K.笑言都已經習慣,冇乜所謂。

花園亦有大量小朋友玩具及設拖,車仔都有多部。

 

連夾公仔機都有,3個囡囡完全唔怕悶。

2020Celia K.Bob(林盛斌)鼓勵下,開設個人網上頻道,目的是為了跟3個小朋友拉近距離,「佢哋啲教科書同我哋以前唔一樣,要同佢哋一齊進步,唔好脫節,要接觸人,唔好困喺屋企,可以一齊進步我覺得開心好多。」

2020年,Celia K. 開設個人網上頻道,分享湊女和生活點滴。

 

更多新冠疫情資訊,請到以下專頁瀏覽

按此 https://bit.ly/3JqiBzz

 

 

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

日日媽媽聲丨胡渭康30歲先知自己係養子 感激養父母無私的奉獻

陶傑透露倪匡要用嗎啡止痛 晚年身體患有多種疾病

影壇新星周漢寧唱《緣路山旮旯》片尾曲 童年曾唱「麥兜」電影歌曲

南柱赫獲同學老師作證冇涉校園暴力 形容積極向上有正義感

都市網新聞