張敬軒搵林奕匡做嘉賓順便邀歌 葉巧琳送「家傳之寶」答謝圓夢

張敬軒紅館騷來到第8及第9場演出,請來林奕匡(Phil)、葉巧琳(Mischa)、許廷鏗(Alfred)做嘉賓,三人有備而來帶禮物「拜見皇上」,Phil做了一個咖啡menu,可以教「遮遮」沖咖啡,他表示:「我正好就是你1月因為疫情而暫停演唱會當晚的嘉賓,當時我同軒仔講唔使擔心,一定開得番!而且會再開多幾場!真係中晒!」軒仔謂:「真係承你貴言啦!我依家公開要大家做證,我好想Phil寫歌俾我,我咩題材都可以,只要唔係早餐就得㗎啦!」Phil馬上答應會交歌。

 

林奕匡(左)整咖啡menu,教軒仔的「遮遮」沖咖啡。

軒仔想林奕匡為他寫歌。

 

Mischa上台時就十分搞笑,她說:「我個男人今晚有嚟,所以我唔可以以身相許,不過我將家傳之寶,我媽咪腌製20年嘅咸柑桔帶嚟送俾你。」軒仔捧住大樽咸柑桔,驚歎很重手:「真係好,我估我飲完開多二百場都冇問題,多謝『百有』,我搵日去你屋企食飯多謝你,我會斬料上嚟!」Mischa坦言童年夢想是在紅館唱一首歌,感謝軒仔讓自己願望成真。

 

葉巧琳童年夢想在紅館唱一首歌,因為軒仔而願望成真。

軒仔話要去葉巧琳屋企食飯多謝。

 

許廷鏗送黑膠碟

至於Alfred則送自己的最新黑膠大碟,軒仔不禁笑言:「雖然未到7月,但真係收好多張紙製品呀!」Alfred之後拿出即影即有相機自拍留念,但因為緊張手震搞了一陣仍未拍到,軒仔趁機「入位」,抽水賣自己代言的手機廣告,引得台下觀眾大笑。

 

許廷鏗送自己新出的黑膠碟,竟被軒仔用來搞笑。

許廷鏗(右)揸機與軒仔玩自拍,卻緊張手震。

 

更多新冠疫情資訊,請到以下專頁瀏覽(按此)

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

倪匡離世丨狄龍得悉死訊感難過 劉德華愛科幻小說演活「衛斯理」

宋慧喬靚爆現身巴黎 高貴氣質獲網民讚Keep得好

波波黃婧靈自封TVB智慧波 三圍數字成謎要保留私隱

獎門人丨張頴康囝囝講錯有兩個媽媽 JW忘形搵啖食幾乎走光

都市網新聞