曾慕雪仍未接受父親已離世 曾江喪禮未定形式只知長子不返港

曾江上月27日猝世,香港電台《舊日的足跡》於今日在節目中播出他於2003年的專訪錄音,談及其入行經過和在荷里活拍攝《007》電影的精采經歷。而節目最近亦邀其女兒曾慕雪做訪問,細訴亡父的生活點滴。

 

曾慕雪表示自己仍未能接受爸爸逝世的事實,但因有好多事需要處理,所以會以穩定的情緒去面對。其長居加拿大同父異母的哥哥,因疫情措施非常複雜,所以不會回港。她最想跟爸爸講的說話是:「爹哋我哋OK!我哋會好好前行,所以爹哋你都可以move on!」她指父親一生好圓滿,做到好多令大家都記得的事情,外界給予好多愛及祝福其一家,感到心好暖。她說:「爹哋好叻,好似依然照顧住我哋咁。焦姣auntie係一個堅強嘅人,不過所有正常嘅感情都會唔捨得,一時OK,一時想起又會好掛住。」 

 

曾慕雪受訪時坦承仍未能接受爸爸曾江已逝世的事實。

 

提到曾江離世前曾到新加坡,曾慕雪說:「爹哋係一個好開心、隨心嘅人。冇幾耐前,佢同我講佢呢一生真係好爽!呢幾個月真係好悶,好想行開吓。(有沒有勸佢不要去?)我爹哋決定咗好難說服佢,我支持佢嘅方法就係令事情安排順利啲。我好尊重佢,因為無人知道下一步會發生咩事,所以唔可以調返轉頭指有乜嘢出錯……大家都見佢喺新加坡、馬來西亞食得玩得幾咁開心,相信呢啲就係佢最想要嘅。」

 

被問到爸爸生前可有提及生死?曾慕雪透露:「有,佢有講過。佢一路都話,簡單啲,唔好搞咁多嘢!佢細個嘅時候係天主教,但唔係十分虔誠嗰種。喪禮用咩形式仲未決定,有啲手續仍然處理緊,會低調,未必咁公開,暫時未有具體資料可以分享。」不過她表示如果要留一件物品在爸爸身邊,她會選擇畫紙及畫筆,因父親喜歡畫畫,而且畫得很好。

 

曾江離世前曾遊星馬。

 

曾慕雪指父親個性率直,雖然愛錫她,卻鮮有宣諸於口:「佢用佢嘅方法去愛我哋,我老公食嘢冇要求,但我同爹哋好有要求,爹哋成日話佢唔識食,最初老公都唔開心,慢慢都慣咗……後來爹哋都係講嗰句『你都唔識食,不過你鍾意食牛扒,今日我哋就食牛扒啦!』呢個就係佢愛我哋嘅方法。」她指父親給予自己很大的力量,她要告訴自己現階段不應該留於好傷感或甚麼也不做的狀態,因為這並非曾江想看到:「如果係佢,佢會收拾心情繼續向前行,享受每一刻!」

 

曾江在女兒心中是一個好開心又隨心的人。

 

更多新冠疫情資訊,請到以下專頁瀏覽(按此)

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

聲夢2丨金仔年紀最大慘被稱「Double Uncle」 四男學員質素平均有排鬥

姜文杰新歌包辦畫作音樂 搵埋老竇秦沛一齊Rap

呂慧儀變魔術?張景淳 紙製心形框內合照甜蜜度爆燈

林泳淘揸車過城隧發生恐怖爆胎事件 連環有阻滯嘆好黑仔

都市網新聞