Juicy叮｜轉行零售上班翌日被斥責咩都唔知 網民喊住歸家失眠受困

疫情下經濟蕭條，有網民慨嘆最近轉行從事零售業，結果上班第二日就要求對產品資料、店務等無一不知無一不曉，結果網民第二日就不堪受壓帶淚回家。

有網民在「香港討論區」討論區發文，市道欠佳唯有轉行找一份零售工作，已經預期薪酬會俾較低，無想到上班第二日上司已經要求記得店鋪所有產品的英文縮寫、價錢、功用、以及熟讀日常鋪頭運作的文件，「仲要即刻跑數做生意，每張單要over 800蚊，如果客人只買1件產品或者無做會員都會俾佢鬧到狗血淋頭」。

疫情下市道蕭條。資料圖片

發文者無奈說，「其實我培訓班又未上，產品又無人教，又點會突然識得做大生意，所有野都係我自己玩自己試自己開櫃桶睇產品放邊到」。發文者主動請教同事，用記事簿都抄了7頁紙，但有些運作細節不及抄下，「俾上司話我對工作唔上心，唔認真，係黎玩既」

發文者大感委屈，「其實我係新人，唔係超人，可唔可以俾少少適應時間我呢？一埋位就想我十八般武藝咩都識，又話我咁樣過唔到試用期。終於忍唔住喊住返屋企，我壓力好大啊，不禁懷疑自己係咪唔適合返工，但唔返工又會手停口停，俾上司踩到覺得自己好無用」。

發文者其後補充，「第三日返工情況都係無咩改變。仲搞攪到自己收工都諗住返工嘅事。嚴重影響咗睡眠質素，眼光光等天光。真心想做好份工，但似乎影響咗健康」

有網民安慰發文者，「第一日咩都識，你就係經理喇。就有三個月先到試用期，問心無愧，自問盡力便可。人哋都係第一日識你，大家都畀啲時間互相識應，真係唔得，咪當攞經驗，下份更好，加油啊」。

帖文轉載自 返新工返到喊住返屋企

 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。