40歲薛凱琪忽然變臉遭瘋狂洗版 撞樣范冰冰網民認唔出

現年40歲的薛凱琪（Fiona）出道近廿年，當年憑清純甜美樣子吸引不少粉絲。近年Fiona的樣貌被指持續有變化，與初出道時似乎改變不少，她昨日（9日）在社交網上載一批新相，即引來網民瘋狂洗版，留言表示認不出她是Fiona，反問：「Where is Fiona？」

 

唔知係咪個妝太濃，真係認唔到係Fiona。

 

Fiona穿上一襲銀色Tube Dress，戴上大蝴蝶結頭飾，造型帶點娘味。見她手臂纖瘦，膊頭瘦到見骨，雖然用長髮散落胸前，但仍難掩「紙板」身材，我見猶憐。而Fiona的招牌「包包臉」不見了，下巴變尖，面頰瘦削，連雙眼也比以前更大，但望落就較為憔悴。

 

騷「紙板」身材。

 

手臂瘦到見骨。

 

Fiona近年長居內地發展。

 

網民洗版留言，指Fiona唔同晒樣。

好多人話唔認得，覺得Fiona仲有啲似網紅feel。

 

網民都覺得現在的Fiona過瘦，有人讚她「好靚」，但更多人指她變樣變得太犀利，留言：「根本就唔係你！第二個人嚟㗎？」、「呢個妝真係唔係好襯你」、「P圖太勁定點？！完全唔同樣」、「已經認唔到了」、「網紅feel」、「咩事。成個范冰冰咁」。另有粉絲擔心Fiona健康問題，勸她食多點東西；近年長期留在內地發展的Fiona，日前在晚上出Post表示太肚餓：「我真的太餓了……吃了兩片，現在好舒服。night night！」看來工作太忙，食無定時，Fiona要保重身體呀！

 

仲有人覺得撞樣范冰冰。

 

初出道嘅Fiona「包包臉」好可愛。

 

甜美笑容俘虜唔少宅男心。

 

更多第5波疫情資訊，請到以下專頁瀏覽按此  

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。