COLLAR芯駖High爆登頂 隊長Gao笑住話差啲碌落山

ViuTV女團COLLAR出道未夠一個月已經勁多Job，因為三月開處女Show，團員呢排都好努力練舞，不過忙中都要唞吓氣，所以隊中好姊妹隊長Gao及芯駖就約埋去行玉桂山。根據旅遊網站所講，「玉桂山路程雖然對行山新手來說有點困難，如果不介意手腳並用的朋友亦可以去挑戰。」

 

從Gao及芯駖嘅相可見，兩人明顯係新手，因為真係手腳並用，隊長話，「見到隔離啲阿叔行到好似平地咁，我就係地下爬… -.-」。隊長仲笑住話自己差啲碌落山，因為上山好難，所以芯駖好High，登頂後喺玉桂山嘅牌前郁身郁勢，以行動話畀大家知佢幾咁興奮。

幾好笑。

真係好斜。

芯駖影完Gao後輪到Gao影返芯駖。

Gao笑住話自己差啲碌落山。

上到頂芯駖好開心係咁郁身郁勢。

芯駖跳緊舞。

叻嘞叻嘞。

影返張靚相先。

個景好靚。

隊友Candy知道Gao話差啲碌落山都留言叫佢小心啲，不過呢位隊長就覆佢，「下次同你行我會確保你隻鞋著啱先。」明笑佢着錯鞋事件，好鬼衰嘅啫。
 

隊長好曳。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。