陶大宇願打折頭回巢拍《愛回家》 大小姐讚親和力足以倒轉地球

陶大宇早前在內地憑翻唱《倒轉地球》再度人氣急升，最近大宇終於回港。昨晚（23日）《東張西望》播出大宇的訪問，由於在將軍澳電視城拍攝，期間唐詩詠突入，二人久別重逢，立即興奮相擁兼影合照，又提到原來二人早於17年前曾合作劇集《心花放》並飾演兩兄妹，詩詠更一度眼濕濕。

其後「大小姐」林淑敏和「送水輝」許家傑再以大宇的招牌台風「水撥式揮手」大唱《倒轉地球》走入鏡，林淑敏大讚大宇零架子，當年合作也很樂意跟新人聊天，分享演戲經驗。大宇表示有看二人在《愛‧回家》的演出，許家傑趁機力邀大宇客串，大宇即答應：「咦﹗好喎，睇下乜嘢角色，但係我要畀你（林淑敏）鬧。」林淑敏笑指：「你依家收得咁貴？」大宇表示：「打個折啦﹗」他更祝《愛‧回家》可以播超過1萬集。

 

唐詩詠見到大宇忍唔住眼濕濕。

 

真係超興奮。

 

原來大宇同詩詠曾經演過兄妹。

 

「大小姐」林淑敏話當年大宇對新人好好。

 

拍劇時一啲架子都冇，仲好樂意同新人分享演戲心得。

 

大小姐同送水輝一齊跳唱大宇嘅《倒轉地球》。

 

昨晚林淑敏和許家傑分別在社交網貼上跟陶大宇合照，林淑敏寫道：「大宇哥嘅親和力足以倒轉地球！希望下次唔係影相，係合作拍劇...咁就好啦！」許家傑則表示：「嗰日喺公司突然聽到一把好熟悉嘅聲音，原來就係倒轉地球大宇哥，第一次見到佢嘅感覺，豪邁，有容乃大，學識豁達面對，得到的更多，真係好想可以同佢拍嘢，我好鍾意睇大時代。」不少網民留言表示期待，更謂：「倒轉龍家」、「想睇大宇哥俾大小姐篤魂精」等，相當搞笑。

 

大宇話可以打個折，返TVB拍《愛回家》。

 

網民好期待大宇畀大小姐「篤魂精」，十分搞笑。

 

立即下載 | 全新《星島頭條》APP : https://bit.ly/3yLrgYZ 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。