Juicy叮｜九巴40X總站於葵涌邨 馬鞍山居民憂播疫 網民：邊度驚得咁多

本港疫情大爆發，葵涌邨至今已發現約170宗確診或初步確診個案，其中逸葵樓、映葵樓要實行「禁足令」，居民要強制檢測5日。有網民日前在facebook發文，指九巴40X線的總站為葵涌邨，擔心巴士播疫至馬鞍山區。不過有留言指樓主過份擔心，亦有人指「九巴啲車撈亂用，你搭嘅車上一日或者上一個鐘都有機會係行完40x」，所以「冇得驚太多」。

一名住在馬鞍山區的網民在facebook群組「馬鞍山之友」上發文，稱「我想講40X個總站係葵涌邨，其實我都有啲擔心」，甚至指「葵涌邨會有人上車去石門之類返工，衰啲講，一個中全車都可以瀨嘢」，憂該條巴士線會令馬鞍山區出現疫情。

不過，大部份網民都留言表示「唔擔心得咁多」，只能做好自己本份，「九巴啲車撈亂用的，你搭嘅車上一日或者上一個鐘都有機會係行完40x」、「避無可避，早兩日先搭完」、「該死唔使病，邊度驚得咁多」。

翻查資料，九巴昨日宣布，臨時取消40x路線（往葵涌方向）的葵康苑、葵涌邨夏葵樓、葵涌邨秋葵樓及葵涌邨總站，臨時總站為葵興站；而往烏溪沙方向，則會取消葵涌邨總站、葵涌邨秋葵樓及葵康苑站。

立即下載 | 全新《星島頭條》APP : https://bit.ly/3yLrgYZ

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。