保良丨家燕接觸太多人 被禁足踏入大仔家門見乖孫

薛家燕為《金虎獻瑞耀保良》節目錄影，她透露新抱已教曉8個月大的孫仔向她請請拜年：「今日佢向我請請時，我同佢講未到初一，初一先派利是，如果日日都拜，都要幾多利是。不過，今年有孫仔同我拜年，真係好開心。」

因疫情關係，兒子早前曾不准家燕姐踏入家門見孫仔，家燕姐說：「阿仔話我經常接觸好多人，所以叫我唔好入屋見孫仔，只可以視像，依家疫情緊張，都係安全第一。」問到新年是否會減少出席活動？家燕姐表示近期疫情嚴峻，不少活動要取消，她也感到有點遺憾，因為很多朋友也想跟她拜年攞封利是，她說：「大家唔係志在入面啲嘢，而係意頭，我會準備定200封利是在身，如果返公司或電台就會通知大家。」

另外，數星期前拍攝節目，堪輿學家李丞責已預告疫情會涉及動物問題，近日應驗跟倉鼠有關，問可有叫李丞責指點一下？家燕姐說：「佢話我今年或明年會有喜事，有可能攞獎，我以為係中六合彩，但啱啱攪珠1億幾又未論到我中，我會一直買到中為止。哈哈！」
 

大家都好想喺新年見到家燕姐，攞利是取意頭。

家燕姐透露孫仔已學識向佢「請請」拜年。

疫情關係，家燕姐只能視像見孫仔。

大仔（左一）驚家燕姐見人太多，所以禁止踏入阿仔家門。

 

 

立即下載 | 全新《星島頭條》APP : https://bit.ly/3yLrgYZ 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。