头条独家丨张伟文呼吁fans有得睇好睇嘞 用歌酬再做腰椎手术助企返身

因爆发第5波疫情，环星娱乐主办嘅两场张伟文《友情有义演唱会》、尹光《戏曲光辉演唱会》及莫旭秋《秋的怀念演唱会》被迫延期。环星老板张国林联同三位“苦主”对临急煞停演出非常无奈，张伟文好友兼经理人方俊(Aman)只望改期不会影响票房，坦承张伟文会用歌酬来负担6位数字嘅腰椎手术。采访：方骞平 摄影：叶君海

环星老板张国林(左起)、莫旭秋、尹光、Aman、张伟文(前)齐唱《无奈》，苦中作乐。

 

首场嘅《友情有义演唱会》仲请来姚炜做嘉宾。

原先三个演唱会都准备就绪，岂料演出前夕被煞停，大家都超级唔开心，莫旭秋(Joe哥)个唱更先后延期4次，尹光搞到成晚失眠，张伟文就睇得好开，话顺其自然煮到嚟就食。

Aman呼吁fans要力撑张伟文，可以嘅话就唔好退飞。

担心延期影响票房
负责统筹张伟文演唱会嘅Aman表示，去年12月20日，张伟文喺文化中心举行首场《友情有义演唱会》表现好好，余下两场Show门票已全部爆满，最担心今次改期会影响到票房，呼吁fans要力撑到底：“因为呢几场歌酬系佢嘅医疗费，用微创手术执走压住喺腰椎神经线嘅一块软骨，由于压到好扁，专科医生希望术后对伟文有帮助，有返脚力可以企返起身，可以企喺舞台唱歌。”张伟文都想做呢个手术：“唱得就唱啦，有得睇好睇嘞，呢个世界变得好快，唔知跟住会点。”另外，尹光形容今次演出延期如同跌钱，因为一日未演出一日未有粮出，不过钱反而系其次，因为他好钟意唱歌；Joe哥就阿Q啲咁谂，咁样就冇咁唔开心。

张伟文刚做完腰椎手术，现正休息中。

 

张伟文首场个唱，Aman喺后台睇到实，不时咪前提示。

 

尹光及Joe哥对演出押后大感冇瘾。

 

去年冬至正值张伟文69岁生日，Aman请埋姚炜、尹光及张国林跟他庆生。

 立即下载 | 全新《星岛头条》APP : https://bit.ly/3yLrgYZ

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。