黑漢Tempo疑再收陀地遭人圍毆 被迫飲黃色液體

網上早前瘋傳一段短片,一名自稱「Tempo」的四眼男子被指食霸王餐後再收保護費,遭人拖入後巷「修理」。事隔一個多月,Tempo再有新片流出,他在一個裝修中的工地被多名男子拳打腳踢,甚至用木條及木梯襲擊致額角流血。Tempo不斷大叫救命求饒,直呼「你叫我做咩都得」,其後被迫飲用一桶疑是尿液的黃色液體。

有關片段分兩輯在網上熱播,長逾3分鐘,片段開首時Tempo已在一個正進行裝修的工地內,被至少6名男子包圍施襲。Tempo被對方拳腳圍毆,又被人用木梯及木條施襲,最後不敵跌倒在地上,不斷大叫救命。施襲者不斷問Tempo:「係咪要錢?」、「 係咪要5000?」、「係咪收陀地呀?」,同時又不斷揮動木條毆打。

Tempo否認自己收陀地,不斷稱「我自己上嚟咋」、「對唔住呀大佬」、「你叫我做咩都得」,又用雙手擋格,但仍被人打到左邊額頭「爆缸」,血流如注,在場有人連忙出言制止:「唔好啦,夠啦夠啦」。

另外一條片則見到Tempo蹲在牆角,用紙巾擦拭面上的鮮血,施襲者迫Tempo飲用一桶疑是尿液的黃色液體,否則不能離開,「飲晒畀你走,飲晒畀五嚿你」。Tempo指自己「隻手舉唔起」,意圖拒絕飲用液體,但隨即被人恐嚇:「洗唔洗我餵你呀?你唔好倒呀!我打X你呀」。最後,Tempo被迫屈服飲用,施襲者亦稱:「五嚿水袋穩,袋穩啲錢呀!」、「下個月再嚟呀,個個月都有!」Tempo亦連聲附和,執起地上的500元鈔票。

事件引起網民議論,有人認為警方應調查事件,亦覺得不應用排洩物凌辱他人,「使唔使打到人咁樣啊?」、「唔洗咁重手嘅」、「成班人趕佢走就算,一時玩得高興,出咗事就坐成世」。

立即下載|全新《星島頭條》APP:https://bit.ly/3yLrgYZ

Tempo被迫飲用疑似尿液的黃色液體。網上片段截圖

Tempo被人圍毆狂打。網上片段截圖

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

財委會通過銅鑼灣建新區院大樓及粉嶺公屋地盤工程撥款

警上水大埔搗無牌按摩院 拘2女負責人

政府開放成人打第4針首日 共1864人接種

搗破荃灣工廈麻將賭檔 警拘女主持6賭客

都市網新聞