ANSONBEAN自下禁令:五年內不拍拖

ANSONBEAN滿懷鬥志,望全力向歌影視發展。 ANSONBEAN滿懷鬥志,望全力向歌影視發展。

(星島日報報道)ANSONBEAN(陳毅燊)新歌Sweet到爆、MV更大玩「女友視角」,不過原來他完全未試過這些甜蜜場口,更為自己下「拍拖禁令」、計畫5年內不拍拖,全力向歌影視發展,最希望有機會拍動作片。

新歌《you made my day》已面世,ANSONBEAN於上月加推與麗英的合唱版;獨唱版MV中大玩「女友視角」,而合唱版MV則和麗英撐枱腳兼互餵食,甜蜜無極限,不過ANSONBEAN本身反而完全不了解女友的視角!「我完全係聽導演指揮,導演叫我飲檸茶就飲,叫我笑就笑。」

提到他被爆中學時已拍拖,他坦白直認,但原來不是表面的一回事,「我中學時的確拍過兩次拖,但其實又可以話唔算係拍過拖,因為我唔係好識浪漫,MV中好多情節都冇做過,今次嚮導演身上學到好多嘢,相信5年後我會係一個好好嘅男朋友。因為去年同細佬傾偈,講到預計下一次會幾時拍拖,我就直覺應該係5年後,事關當時參加《全民造星III》,練習和綵排已經用咗好多時間,如果連讀書時間都冇,就更加唔使諗拍拖。」

被問中學至今喜歡的女仔類型有否不同?ANSONBEAN表示:「現在對大家在『夾』方面會要求更嚴格,同埋我喜歡頭髮蓬鬆、眼神銳利嘅女仔,因髮質好緊要,能顯示女仔有幾注重自己嘅頭髮,而且頭髮搖晃時會好飄逸。(喜歡被女仔的頭髮搖晃?)又唔係,但行路時會好吸引;至於眼神銳利就會好Sharp醒,容易被對方電親,更加加分。」至於本身是否黐身男?他笑言:「以前係『Long D』所以唔知,要下回分解;不過大家都有各自生活,如果男仔或女仔太黐身應該會令人好忟憎。」

在男神、歌神、廚神當道的時代,轉數快的ANSONBEAN笑言以「豆神」為目標!「『豆神』可以不用受任何框架限制,仲可以做CEO,全方位咁加入唔同種類嘅『神級』部門,哈哈。」ANSONBEAN除了唱歌,還開始拍劇及電影,並指很想拍有打鬥、槍戰、追逐的動作片。笑指還有一類是愛情動作片,他即「怕醜男」上身口窒窒說:「吓!我唔知喎……未拍過……都不妨試吓,挑戰自己極限。(想拍檔是男還是女?)吓!女仔啦……但男仔又好似冇咁尷尬,可能我會冇咁怕羞……哎呀……唔知呀……都係睇劇本!」不過說到有好劇本,他就豪氣指不會設底綫,「一個演員在演戲時就不是自己,最緊要是專心及夠專業。」

 

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

《聲夢2》侯雋熙晒腹肌勁吸睛

黃劍文「打真軍」狂食六餐撐餐飲業

金賽綸涉醉駕求驗血拖延時間

Anson Lo無牌扮揸車 High過司機癮

都市網新聞