張惠雅稱海俊傑疑放料畀傳媒 害她被指介入薛世恒陳法拉婚姻

張惠雅（Regen）早前作客陳志雲網上節目《Stephen．傾》，被問及當年有指她介入當時老闆薛世恒與陳法拉婚姻，導致二人離婚。Regen堅稱從未當過第三者，並表示：「當時我同公司傾想離開，嗰時我去Working holiday。我直到而家都有個謎團想解開，因為我喺澳洲返嚟之後先知，原來可以有夾新聞呢啲嘢。」

Regen當年仲係HotCha成員，是薛世恒公司旗下藝人。

Regen曾被指介入老闆薛世恒與陳法拉婚姻，導致二人離婚。

 

Regen上陳志雲網上節目，被問及舊事。

Regen指當年以組合HotCha發展時，公司很保護她們，因為很少接觸人，甚至有門禁。所以入行多年後才聽聞要上娛樂新聞封面，需向傳媒交換消息：「如果封面有一格仔新聞係嗰個人，（封面）新聞就可能係嗰個人放料。我知呢樣嘢之後，望返我以前啲新聞，我被影到嗰次，我覺得好似畀人跟，嗰陣從來都冇人跟我。理應只得薛生同我，知道我哋會見面（商量離開公司），前一晚同兩個藝人拍完劇一齊收工，去飲嘢我有講過（會見薛生）。我就估會唔會係嗰兩個藝人放料。」

陳志雲聽Regen話個男藝人姓海，即估係指海俊傑。

而Regen稱回看該封面，有其中一格新聞是與她飲嘢的藝人相關。她表示：「我估佢冇諗過個後果會咁嚴重，係男藝人。」陳志雲多番追問下，Regen笑稱其實唔多記得對方個名，但透露對方姓海，陳志雲即估到是指海俊傑，Regen傻笑扯開話題，間接承認自己懷疑海俊傑放料。 

海俊傑疑似係放料人。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。