Kelly Online：8大減肥謬誤

聖誕新年假過後，總有唔少女士，包括小妹在內都話要減肥，但營養師朋友提醒咗「8大減肥謬誤」，叫小妹千祈唔好做：

1. 食得太多堅果和籽：標榜含有豐富營養的健康零食，如果仁、乾果等卡路里含量其實好高

2. 戒食碳水化合物：適量碳水化合物有助減低卡路里攝取量，建議可將藜麥、糙米和蔬菜等一齊煮食

3. 食太多零食增飽肚感：稍一不慎反而會食過量零食，建議可以烚蛋、低脂原味乳酪伴莓類生果、切片雞肉代替

4. 成日磅重：唔好習慣每星期磅重，又唔好因為要花長時間先減到肥而唔開心，平常心去減就好

5. 戒脂肪：吸取適量脂肪和蛋白質反而比碳水化合物更達減肥效果，建議可從堅果、牛油果、橄欖油和椰子油吸取健康脂肪

6. 太不切實際：唔好畀自己太多規限，達唔到反而會唔開心，建議同朋友或家人一齊參與，等自己多啲人支持，甚至可以參加慈善運動鼓勵自己

7. 太倚賴健康餐：健康餐含大量糖份和鹽份，食完之後反而好快又餓，建議自己煮簡單食材，如香草烤魚伴蔬菜、蝦仁炒雜菜等

8. 出街食飯抱有戰略性心態：食自助餐要食到飽為止，同朋友飲酒時都要記住唔好暴飲，因為一杯175毫升紅酒已經有130卡路里，但不妨飲時加梳打水

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。