張文傑拍完梁詠琪MV 個心囉囉攣

MV中飾演Gigi的前夫，投入感情，難以抽離角色。

　　(星島日報報道)動作演員張文傑近日獲邀拍攝梁詠琪（Gigi）的新歌《流金歲月》MV。一向視Gigi為女神的他興奮表示：「緊張咗幾日，我好喜歡睇《初戀無限Touch》，希望有一日做佢嘅沈志康（陳曉東飾演）」。

　　張文傑初時以為有動作打鬥場面，當得知是飾演前夫一角時，心情極為複雜：「好興奮又好擔心，除咗動作戲分，一直都想挑戰唔同角色。但擔心自己演得唔好，因為我從未試過演繹咁溫馨嘅角色。」

　　拍攝當日，張文傑見到Gigi 亦能即時投入：「要忘記緊張，全程投入，我當咗Gigi 係我最愛嘅人，望住佢幻想同佢一齊時嘅美好，一路感覺到好甜美。」拍攝完畢後，張文傑更表示難以抽離角色：「我掛住Gigi幾日，個心好囉囉攣。」

　　

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。