【頭條獨家】姜濤 x 柳應廷 x 林家謙 x Tyson Yoshi 9月27日亞洲國際博覽館開拉闊Show

自上周四開始，超人氣港產男團MIRROR在九展Star Hall舉行一連六場演唱會，今晚尾場門票亦愈炒愈貴，昨日有炒飛網站出售今晚尾場原價780元及1,280元的VIP門票，黃牛價去到231,800元，炒至逾297倍，相當黐線。
因為演唱會好評如潮加一票難求，千千萬萬個「鏡粉」均希望MIRROR能夠進軍紅館，日前即有消息指MIRROR會接手楊千嬅放棄的紅館聖誕跨年檔期，有傳經理人花姐已為MIRROR入紙申請12月18至1月5日的檔期，扣除搭台和拆台的日子，估計MIRROR首踏紅館最少可開十場，不過目前等紅館批文，最快要月尾才知結果。
MIRROR首登紅館能否成事要等三個星期，但有一樣嘢即刻可以知，就係商台主辦，兩年冇搞的拉闊Show將於9月27日舉行，參與人腳非常貼地，分別有22歲姜濤， 28歲柳應廷，29歲林家謙及26歲Tyson Yoshi，舉行地點是可容納6000人的亞洲國際博覽館，得一場位又唔係多，到時啲飛會炒到咩價位真係唔敢諗。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。