麥家瑜喊爆念唐奕聰：約唔切踩單車

無綫錄影特備節目悼念唐奕聰，一眾樂壇好友分享與他的相處點滴。

　　（星島日報報道）太極樂隊成員唐奕聰（Gary）日前被發現在家中昏迷不醒，疑因心臟病發猝逝，享年57歲。無線特備節目《勁歌金曲 懷念唐奕聰》前晚進行錄影，太極成員雷有輝（Patrick）、鄧建明（Joey Tang）、劉賢德（HiFi德）、盛旦華及朱翰博（Ricky）穿上素服出席。布志綸、[email protected]、麥家瑜、李忠希及樂隊ONE PROMISE等亦現身分享與Gary合作的點滴。

　　Ricky坦言Gary過去數年身體的確有點弱，盛旦華說：「2018年Gary曾經試過唞唔到氣入咗醫院，當時話佢個心臟弱一啲。而最後一次見面是在林建明博士的追思會，當時完全看不出他有異樣。」HiFi德亦提到新年前有跟Gary聯絡，同樣沒有異樣。Joey Tang表示：「Gary係一個好堅強嘅鬥士，2018年後，佢好想鍛煉番自己個身體。」Patrick接着說：「佢個人走咗，但佢嘅笑聲、樂觀嘅態度、正能量、咁有衝勁和動力嘅靈魂會留住喺我哋每一個人嘅心裏面，希望大家繼續同佢嘅靈魂有聯繫。」

　　作為Gary表弟的李忠希指事出突然，實在難以相信。麥家瑜透露從小已經認識Gary，由加拿大回港發展都是因Gary鼓勵，關係相當密切，視對方為家人及恩師，並哭着說：「好突然，好難接受，佢都好注重健康，我哋仲約左一齊踩單車，但約唔切。」

　　談到身後事，Joey Tang透露由Gary的家人安排，如紀念冊或找其他音樂人拍攝短片就由他們協助，現在已有人幫手統籌。問到Gary太太心情如何？Patrick說：「我今日都有搵過Gary太太，同佢講今日我哋會上節目，問佢有啲乜嘢想同大家講，但佢話所有嘢都留待Gary嘅安息禮再同大家講。」

■麥家瑜視Gary如家人及恩師，喊爆指因為對方的鼓勵才入行。 ■太極成員們坦言事出突然，之前並無發覺Gary有異常。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。