【未夠3個月唔講得】向朋友請教煲湯水畀新抱飲 70歲薛家燕俾人問係咪有咗

現年70歲的薛家燕昨晚為TVB節目《流行經典50年》錄影，提到兒子石耀庭與新抱陳素怡宣布造人成功，家燕姐喜上眉梢說：「榮升『家燕嫲嫲』好開心，個仔揀喺情人節公布，之前新抱整咗個蛋糕請我哋食，我掛住食冇留意蛋糕上有張BB超聲波相，大女石祐珊發現咗，我開心到大叫，即刻放低蛋糕攬住個仔同新抱。」家燕姐得知將做嫲嫲，翌日大清早便起牀打電話問朋友可有補身湯水，但最搞笑是她竟被誤會有喜，她笑道：「朋友問我咩事要飲補身湯水，問我係咪有咗，但當時新抱懷孕未滿3個月所以未講得，惟有話自己補吓身啫。」家燕姐自爆當年自己懷孕時，因進補過度令體重急升40磅，猶如「大冬瓜」，她又指新抱有上懷孕課程，自有一套安胎計劃，注重健康知道吃甚麼，不用她擔心。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。