高鈞賢回娘家錄影怨氣全消

　　(星島日報報道)高鈞賢、李彩華前晚齊為《流行經典50年》擔任嘉賓。高鈞賢2014年離開無線，一直在北京工作，適逢今個月很多親友生日，因此留港一段時間。他坦言疫情關係，農曆年至今仍未有開工，但已接洽不少新工作，都要按疫情進展決定開工時間。談到在內地發展不錯，可有無線藝人向他取經？他表示：「都有，之前幫何傲兒做推薦拍劇，結果係成功嘅。但自己都係奮鬥中，唔敢講太多。」談到當年離開無線後有不少怨言，直指不被重用，他坦言：「當年離開TVB時我仲好後生，其實喺TVB學咗好多嘢，今次返嚟完全冇怨氣。」

　　李彩華亦表示等開關回內地工作，透過丈夫現於深圳工作，因疫情關係已有兩個多月沒見面。談到兩地婚宴一直延遲，她笑說：「係啊！都差不多有兩年。（等到滿月一次過擺？）老公就係想咁，但係我唔會俾佢得逞，我唔可以大住個肚擺酒，分開兩次擺酒好玩啲嘛！」