【頭條獨家】《識玩2》大派福利 33C陳睿雯接傅嘉莉捧水著吸收視

TVB《3日2夜》大成功，同樣由張志明監製的《識玩旅行團2》安排由索爆傅嘉莉（Kelly）水著上陣掀起熱話，連73歲羅家英都讚好，Kelly大功告成，喺本周日(29日)嗰集就交捧畀25歲脆卜卜，喺《愛回家開心速遞》經常著緊身短裙的「Anita」梁茵(Kiko) 及《3日2夜》「收視王」、43吋超長腿小花陳睿雯；同埋大大隻潘梓鋒(Bryan)接力搶收視。33C的小睿預告分別穿著着4套泳衣為觀眾謀福利，就算浸溫泉浸到頭暈身㷫，皺晒皮仲係抵嘅！至於「有料之人」Kiko自爆有水著大特寫鏡頭，觀眾落足眼力去目測她三圍數字吧！ 採訪：方騫平

繼楊潮凱、傅嘉莉、江嘉敏後，輪到梁茵、陳睿雯及潘梓鋒到廣西、中山、江門拍《識玩2》介紹好玩好食蒲點，呢組Fit爆身材成為賣點，事關個個都係有料之人，尤其33C、23、34小睿超索身材好搶Fo，連Bryan都有6塊腹肌㗎！小睿透露今次要狂浸薄荷、重硫黃等溫泉，所以有大量水著鏡頭，淨係泳衣都換咗4套，水著數量一啲都唔輸畀傅嘉莉，她笑說：「因為出發前兩日先開工作會議，通知有大量水著鏡頭，所以臨急臨忙補水著貨。雖然我賣點係搞笑，但我都唔介意晒身材，既然人哋畀機會你，作為藝人梗係愈出得鏡多就愈好。」在旁的Bryan笑言：「真係好好睇...係指個泳池設計！」提到難忘經歷，小睿話：「泡男人專用嘅極地溫泉，體驗『冰火鴛鴦池』時，浸完熱水去冷水，真係凍到想喊！而喺酒店房間內嘅溫泉水溫特別熱，因為不停重拍，浸到頭暈暈，面紅紅，皺晒皮，要抖住浸。」

羨慕梁茵嬌小身型
當問到邊個身材較亮眼時，小睿笑說：「我自我感覺良好，對身材比例有信心嘅！Kiko比我矮，身材嬌小睇落去會顯瘦，而且上圍感覺會較大，我反而羨慕佢身材呀！」含蓄的梁茵卻說：「我有米6高，至於三圍數字係秘密，大家要留意返節目喇！」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。