祥嫂設靈 兆尊心情：冇乜特別

■碧玉拒絕出鏡，所以只由兆尊偕兆榮與翠玉見記者。

早前病逝的粵劇名伶「新馬師曾」（鄧永祥）遺孀鄧洪金梅（祥嫂），昨日於香港殯儀館設靈，終年74歲。祥嫂四名子女鄧兆尊、鄧兆榮、鄧翠玉及鄧碧玉到靈堂打點。對於媽媽的終年歲數跟訃聞有出入，翠玉解釋宗教計法不同。阮兆輝和葉德嫻更親到靈堂憑弔，葉德嫻表示雖不認識祥嫂，但自己好鍾意祥哥，當年未能送別祥哥，昨日要同佢Honey Say Goodbye。

祥嫂治喪處擺放着「鄧母洪金梅太夫人」花牌，靈堂以白色鮮花為主，入口擺放着米白色簾幕，儀式以西式舉行。靈堂外放滿花牌，當中包括黎明、譚詠麟、葉家寶、譚倩紅及陳明恩等等，以示懷念。
小艾避談陪葬品
祥嫂女兒鄧翠玉（小艾）約下午2時穿黑衫帶上太陽眼鏡到埗。約下午3時25分。鄧兆尊由「大房」紅顏Carmen陪同到埗，兩人穿黑色西裝，記者上前訪問時，神情嚴肅的兆尊說：「冇乜好講，想問咩？」兆尊透露喪禮以西式進行，佛教儀式日前已辦妥。問到心情如何？他說：「冇乜特別。」
其後翠玉步出靈堂一同接受訪問，她說：「我哋冇乜嘢講。（媽媽終年74歲？）每一個宗教計法都唔同，懷胎10月都可以當一歲。（媽媽有咩陪葬品？）私人嘢唔講。（有咩儀式？）都係簡簡單單，哥哥都要入去啦。」據知，壽衣是由翠玉選擇。
黎明華仔送花牌
約下午4時，祥嫂二子兆榮到埗。20分鐘後，翠玉安排傳媒入靈堂拍攝，並要求不要拍攝靈堂內的親友。靈堂內放置着祥嫂彩色遺照，橫匾寫「淑德流芳」，輓聯寫「幼受訓蒙常倚膝下回憶音容還尚在 長恩未報盡記腦中徘徊思念永留存」。靈堂中央放着兆尊、兆榮、翠玉及碧玉致送花牌。靈堂內一遍花海，劉德華、黎明、譚詠麟、羅家英跟汪明荃、潘炳烈跟黃夏蕙以及草蜢三子都分別送上花牌。
隨後，兆尊、兆榮及翠玉步出靈堂給傳媒拍照。妹妹碧玉未有出現，兆尊耍手說：「妹妹唔出嚟！」而兆尊的「二房」紅顏Cherry亦於傍晚5時50分到步。傍晚6時許，兆尊跟Carmen、兆榮夫婦、翠玉、碧玉及三名孫仔，於僧侶帶領下進行佛教儀式。
此外，祥嫂生前好友到場憑弔，包括阮兆輝、陳慎芝、何麗全及葉德嫻等。葉德嫻說：「我鍾意祥哥到爆，本身我唔識祥嫂，祥哥走嘅時間未能出席，今日借機會同佢Honey Say Goodbye。我有同兆尊佢哋講好鍾意佢爸爸，論唱功，粵劇界真係第一位，到現在都係第一位，未有人超越佢，可惜早走咗少少。又無教兩個仔唱歌，可能遺傳唔到。」

文：駱震寧 圖：鄧國良

■葉德嫻原來十分欣賞祥哥的唱功。 ■曾偕祥哥演過折子戲的阮兆輝，到殯儀館送別祥嫂。 ■蔡一傑除了送花牌外，更到靈堂鞠躬送別祥嫂。 ■兆榮與兆尊捧着祭品緊隨僧侶進行儀式。 ■汪明荃、梅雪詩及譚詠麟都送上花牌。 ■黎明及華仔送上花牌致意。 ■靈堂橫匾寫着「淑德流芳」。 ■祥嫂的靈堂放滿素白色的鮮花。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。