泛民贊同行會「問責」 曾鈺成指無幫助

曾鈺成表示，行會成員辭職甚至解散行會，均沒有太大意義。 梁譽東攝

對於自由黨榮譽主席田北俊要求多名行會成員辭職問責，民主派亦表認同。議會陣線立法會議員毛孟靜認為，做法合邏輯，認為行會成員組成單一，早已失去應有功能。民主黨黃碧雲則認為，在修訂《逃犯條例》事件中，行會成員支持特首強推草案，有需要問責，希望張宇人能辭職，亦認為新民黨葉劉淑儀及其他有政黨背景的行會成員要為事件問責辭職。
前立法會主席曾鈺成出席網台節目時則表示，行政會議成員辭職甚至解散行政會議，均沒有太大意義。他提到特首林鄭月娥曾透露不會辭職，理由是不想為中央添煩添亂，而解散行會重新任命非官守議員，做法正正是「為自己添煩添亂」，「（行會）原本有工聯會、民建聯喺度，你係唔係同佢哋割席呢？定係你委任過第二個人入去？」強調解散行會是製造問題多過解決問題。
對於是否有行會成員需要辭職，他同樣認為「我睇唔到有咩幫助」，不認為社會現時有強烈訴求要求行會成員辭職，認為如為平息社會情緒便解散行會，做法有如令行會成為代罪羔羊，「你唔係要問責官員下台，解散咗行會就了事，我睇唔到邏輯喺邊」，重申港府做錯而歸咎行政會議，做法是「失去焦點、怪錯咗人」。他強調現時行會內全是建制派，建制派和港府一向是「捆埋一齊」，「無可能拉番幾個（行會成員）出嚟，就可以當無事」，問題並非建制派離開行會便可解決。
田北辰則認為，「完全唔明白立法會有政黨背景嘅人入行政會議到底係為咩」，認為港府委任立法會議員入行會只為「箍政黨票」，「明明有人好唔想（支持），大佬、阿姐、阿哥喺行會，邊有聲出」，做法令立會無法監察政府。他重申行會成員不應有政黨背景，亦不應於立法會有份投票，「唔受任何嘢牽制」、「呢個人講唔出係黃色定藍色就最好，有㗎好多學者都係咁……醫學界、社工、學界都會有」。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。