張華峯對話錄音流出 爆工聯會麥美娟粗口「問候」林鄭老母

忘記關咪，再次成為大新聞......

行政長官林鄭月娥上周六宣布暫緩《逃犯條例》修訂暫緩前，在禮賓府會見一眾建制派人士，據傳工聯會議員麥美娟在會議上向特首林鄭月娥以粗口大罵「X街」，火藥味甚濃，而麥美娟事後未有正面回應事件。

香港巴士的報的報道指出，周三網上瘋傳一段疑似融服務界立法會議員張華峯，與監警會主席梁定邦的對話錄音，當中提及麥美娟向林鄭爆粗。

據傳，該段錄音是張華峯(上圖右)在監警會會議上忘記關咪，與梁定邦(上圖左)的對話流出。張華峯在錄音中表示：「你唔知呀，X你老X個女仔呀，X呀林鄭呀...只係你呢個女人識喊呀？我喊咗成晚！」、「嗰個麥美娟呀，工聯會呀，因為佢應承選民（《逃犯條例》）一定會過，佢今次可能......」、「係特首辦到講，咩迎賓館呀，嗰個貴賓館呀，特首住嗰間屋到講」。

傳麥美娟（右）在會議上向林鄭月娥（左）以粗口大罵。

梁定邦聞言回應稱：「有無搞錯呀？身為立法會議員，咁失身份？問候人老母，仲要係女人」，張華峯則說：「佢將所有政治押晒呢一鋪，肯定......無得選啦」。

據《東周刊》報道，麥美娟當日在會議中大聲説：「你太天真啦！依家就算暫緩（修例）人哋都唔會收貨！」，又稱「唔好賴解説工作，一開始特區政府就低估政治形勢，我啲兄弟落去解説日日被人X！X街，你試下落區日日畀人X呀！」林鄭一臉錯愕，但繼續努力辯解。

惟麥美娟谷爆繼續狂數，話一味叫建制派唔好動搖，所以即使有逾百萬人遊行反修例，工聯會依然去美國領事館拉橫額鬧美國佬，麥繼續說「依家話撤就撤，咁當初有過百萬人上街，嗰時又憑咩咁堅定？」麥美娟鬧足5分鐘收唔到制，林鄭忍到呢一刻終於淚灑人前，麥美娟隨即說「依家喊有咩用？你識喊！我都識喊！」自己亦喊了出來。

而麥美娟今日回應事件時就表示，現時最重要是如何修補社會撕裂，以理性方法討論。她認為亦不應該再斟酌政府有否出賣建制派。她強調，《逃犯條例》修訂本身沒有問題，建制派沒有盲目、無條件支持政府，重申最重要是顧全大局，而非個人名利得失。

(圖片：星島、資料圖) 綜合報道

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。