【逃犯條例】哽咽感言獲讚「表姐你好嘢」 鄭裕玲回應：多謝，今日無嘢講！

鄭裕玲（嘟姐）早前出埠拍節目，回港後昨日她於商台節目《口水多個浪花》開咪時，語帶哽咽，對於因修訂《逃犯條例》風波引發的警民衝突事件發感言，提到為到年輕人及學生受傷而感到心痛。

Do姐今日如常返電台，節目完結後就跟助手一同駕車離開。提到一番感言獲網民激讚「表姐，你好嘢！」，心情輕鬆的嘟姐說：「多謝，今日無嘢講。」隨後駕車離開。

鄭裕玲剛拍完電視台節目外景回港，跟著在商台自己的節目《口水多過浪花》節目提到，離港期間收到很多關於香港的消息，她說：「我都睇到好多好心痛嘅場面，尤其是我哋香港嘅學生、年輕人。」

鄭裕玲在節目中說，「兩個禮拜其實我哋去咗好多地方，要坐好多車、好多飛機。但係最後嘅一程，就係我哋最盼望嘅一程。因為係飛返香港，香港係我哋嘅屋企嚟。」她說，「屋企就係最緊要嘅」，自己或許老了，好情緒化，「我哋要珍惜呢個屋企，尤其係我哋嘅年輕人，同埋學生。我好希望香港可以好快回復番平靜啦，我地和平相處嗰個狀態。」她在說話時語帶哽咽。

她希望能盡自己的一份責任，她說，《口水多過浪花》是一個娛幾的節目，在節目中讓大家稍為放鬆，「我係一個娛樂人，喺一個咁繃緊嘅狀況之下，我覺得我應該做返我嘅責任。」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。