【逃犯條例】被打至大小便出血不敢求診 公院醫生黃任匡籲傷者求醫

金鐘「6.12」的警民衝突造成多人受傷，有傷者被送至公立醫院治療時被警方拘捕，醫管局其後被質疑將示威傷者資料泄露予警方。杏林覺醒成員、屯門醫院心臟專科醫生黃任匡在社交網站發文，透露曾有示威者被打至大小便出血，但不敢去求醫，強調「如果係嚴重受傷，請你唔好猶疑，立刻求醫」，並提醒各救護人員緊守崗位及保護病人私隱。

黃任匡在Facebook發文，批評醫管局在證據確鑿下仍然「耍太極」，明白大家對事件感到憤怒，有醫護人員想示威、罷工、向要醫管局問責，但強調此刻救人要緊。「喺呢一刻，保護傷者係最首要嘅任務，其他都係次要」。

他提醒傷者，包括如果受傷入院求醫，只提供必需資料，如傷勢、受傷過程等。至於受傷的所在地、出現現場的理由、以及所扮演的角色等都不是必要的資訊。「如果係嚴重受傷，請你唔好猶疑，立刻求醫。因為盧偉聰係呃你嘅：催淚炮，布袋彈，橡膠子彈，水炮車等，通通都係 potentially lethal weapon。會死人㗎！」

至於醫護人員方面，黃任匡提醒人員要緊守崗位，「唔好罷工，如果我哋走左，情況肯定更糟」，並時刻提高警覺，「喺工作間隨時留意有冇唔係醫護嘅人，靜雞雞搞我哋部電腦」，「總之盡我哋所能，保護病人。切記，保護病人私隱，係最重要嘅專業操守之一。」

黃任匡更hashtag「#有個仔俾人打完大小便出血都唔敢去睇醫生呀痴線」、「#要求醫但都要小心」、「#總之講少句」、「#你唔講我唔知」、「#我地發過誓㗎」、「#話時話傷者可能有時會因為受驚而記錯意外細節㗎」、「#我哋可能要細心啲幫幫病人回憶」、「#華陀託夢教我可以咁講」、「#邊有咁多胡椒噴霧吖一定係你自己整胡椒炒蟹果時唔小心彈咗入眼啫」、「#我估你唔係中橡膠子彈一定係樓下有個靚仔玩氣鎗唔小心射中你」、「#另外你最近都冇去過金鐘」、「#一定係咁啫」。

帖文引起大批網民讚好，不少人留言感謝前線醫護人員，亦有人感謝黃任匡就事件發聲。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。