基仔打完仗 觸傷舊患

■基仔在演唱會上講起沒時間陪父母，即感觸落淚。

《古巨基－我們世界巡迴演唱會香港站》第三場前晚於紅館舉行，英皇老闆楊受成、無綫高層樂易玲、麥享利、關智斌、王賢誌與衛詩雅等圈中人紛紛現身捧場。

在演唱會上，大銀幕播出影片，提到基仔因工作太忙碌，引致沒有時間跟父母一起吃飯，只可以透過電話聯絡，他表示：「爸爸媽媽打電話畀我嘅時候，媽媽第一句會問『巨基工作開心順利嗎？』爸爸就第一句會講『聽到你把聲，我就安心去瞓。』」說罷不期然感觸落淚。
前晚基仔邀請了好兄弟側田、6號、方力申與小肥等擔任嘉賓，化身組合「一條筍」合唱十多年前的歌曲《年年有今日》。小方大爆側田於後台等候時差點哭了出來，側田則謂：「因為我入行第一份工，係基仔畀我唱和音。」大銀幕播出07年「一條筍」於馬來西亞出騷的照片，六人再即場擺出當年的同一甫士影相，基仔表示希望十年二十年後可以再影一次。
體力消耗非常大
基仔在完騷後接受訪問，坦言今次演唱會體力消耗非常大，例如開場穿上的2萬粒水晶衫重量達80磅，其他服裝亦同樣分量十足。他笑道：「做完一場騷就好似打完一場仗咁，第二場完咗腰部舊患還隱隱作痛，為以防萬一，昨晚搵咗個醫師幫我拉鬆肌腱。」
另外，談到第二場的表演嘉賓李克勤，向他提供了生仔秘笈，基仔笑謂：「教倒掛金鈎？開騷無得倒掛啦，同埋邊個倒？邊個掛先？問佢，佢又叫我意會，哈哈！」

文：駱震寧 圖：朱偉彥

■基仔請來「一條筍」團隊擔任嘉賓。 ■英皇老闆楊受成夫婦，齊來捧基仔場。 ■基仔答謝好友Kenny來撐場。 ■基仔的歌衫件件分量十足，體力消耗十分大。