陳展鵬否認同袁文傑鬧不和 唔驚新劇硬碰世盃

無綫劇集《天命》昨晚舉行首播活動，陳展鵬、譚俊彥、陳山聰、唐詩詠、李施嬅及姚子羚等出席。談到首播迎擊世界盃，陳展鵬說：「係啦！世界盃係幾難搞，我都有睇。不過只要係好作品，觀眾就會睇。」譚俊彥提到體制已改變，觀眾可以網上睇重播。

提及劇情，譚俊彥大爆陳展鵬多激情戲，陳展鵬笑笑解釋激情戲是他與其他男演員拍，跟女演員演甜蜜戲。譚俊彥亦笑說：「我身邊全部都係太監。」問到拍激情戲是否要太太批准？他笑說：「無話唔得，電視尺度又唔會太離譜。不過太太話會10倍奉還，佢都係藝人嘛！不過都係唔好，費事小朋友睇到問點解唔係攬住媽咪。」

此外，有報道指陳展鵬跟袁文傑不和，陳展鵬笑謂：「都係時候喇！我咁悶，有新聞畀我宣傳套劇。等我又回應吓啦，我同傑仔盡在不言中，佢今日有事，所以嚟唔到宣傳，唔係因為我哋唔妥。下次你哋又可以問吓佢，幾好。」劇中唐詩詠是陳展鵬的紅顏知己，提到譚俊彥大爆多激情戲。她笑說：「古裝唔會太激情，我哋又唔係《深宮計》。（有無肚兜睇？）我哋玩心意，用含蓄方式表達。（咁好吸引喎。）係，我都覺得好吸引。」

李施嬅就希望觀眾多多支持新劇，因她已經有兩年多無劇出街。至於首播撞正世界盃，會否覺得運滯？她笑稱：「真係天命，大家去睇返，我拍到甩頭髮，大家要支持我。」另外，她計劃跟好姊妹姚子羚、胡蓓蔚到泰國進行洗滌心靈之旅，會多拍泳衣照，指這是重要節目之一。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。