張達明重返幕前自嘲遲早坐輪椅 靚靚出山拍戲嗒鎮宇舐舐脷

文：彭形影 圖：張家宜

袁詠儀（靚靚）、吳鎮宇、古天樂及張達明等昨日出席電影《家和萬事驚》開鏡拜神，靚靚自爆為鎮宇才出山拍戲，當鎮宇自詡獲不少女星「食過翻尋味」後，靚靚更笑言對他「舐舐脷」！

由張達明自監自編自演的電影《家和萬事驚》昨日開鏡，促成吳鎮宇跟袁詠儀（靚靚）繼04年《我愛天上人間》後再度合作，鎮宇即笑言今次是「三級片」：「第三級好笑，即最好笑的電影，上次跟靚靚拍《我》片拍到牀都塌了，今次再演夫婦，我即叫她鑲多幾粒螺絲。」靚靚直言全為與鎮宇合作才出山，鎮宇即笑說：「好多女星都對我食過翻尋味！」靚靚接着說:「係㗎！真係舐舐脷！（有親熱戲？）大把，我為了這些才拍的，哈哈！」

靚靚鎮宇收足片酬

問到是否為撐達明而收友情價？靚靚自爆收到足，鎮宇即笑說：「搵得達明做監製即是好有錢啦！我百忙中抽空來拍，還要收不足片酬的話太說不過去啦！哈哈！今次是我叫達明拿這個舞台劇劇本出來拍，也叫他演我阿爸，他本來不想演，但難得他現在老得不用化妝，當然要演一角，朋友也想鼓勵他重返幕前。」

古仔達明首度合作

至於達明透露老妝要化差不多兩小時，落妝更是麻煩，又笑指首次與古仔合作很開心。他說：「今次是我病後首次演戲分吃重的角色，角色經常要坐輪椅，反正我手腳麻痹，遲早要坐輪椅，正好試試，我連頸紋也是真的，不用化妝。」由於舞台劇版獲獎無數，但自己能否憑角色得獎則靠古仔帶領，又大讚對方的演出催淚。而古仔表示此片是黑色幽默，貼合現實社會的荒誕離奇，亦謂與達明合作有發揮空間。