《失眠》四級版本海外上映　黃秋生：可惜香港冇得睇　

黃秋生、衛詩雅及麥子樂出席《失眠》首映禮，對於該片有不少血腥場面，秋生坦言該片一定被列為三級片，但今晚首映禮則以四級原裝版本播映，又指戲中好多情節關於醫學，並非賣弄。他說：「呢部戲係同導演邱禮濤合作過的電影，最係佢把握到的東西，唔似以前會為市場、娛樂性等，今次係必需。我都話到咁嘅年紀，如果要我做多餘嘢都唔會做。」

秋生表示相信該片在其他國家有原裝版本播映，但不會在香港，亦覺得好可惜，因為原裝版保留於別人的地方，更比喻如果中國人跟英國人學中文會好荒謬。他又謂日本已將他主演幾部電影變成一個經典，當中有《人肉叉燒包》、《伊波拉病毒》、《的士判官》，但他認為應該加埋《失眠》才是三部曲。他說：「佢地唔只整個box set，仲有電影節會專門研究呢三部戲好多紀念品，做得很好。意大利同歐洲亦好睇重呢幾部戲，呢個係一個文化，唔止娛樂咁簡單。」

對於拍片分享抗抑鬱症，秋生坦言30幾歲時有抑鬱，當時導演邱禮濤經常為他解抑鬱，又認為通常患上抑鬱症會匿埋不想見人，所以一定要跟人訴心聲或有宗教信仰、做運動、睡眠等。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。