霆鋒再騷廚藝15秒快刀切蔥　網民批似幼稚園學生乜都鬥一餐

「廚神」謝霆鋒早前拍攝內地飲食節大騷驚人廚藝，被網民瘋狂流傳，其「搣蕉」絕技吸引網民模仿，引起一片熱話。他昨晚於Facebook上載段片大騷廚藝，片段所見，霆鋒以15秒極速快刀切蔥，切完更例牌烏低身欣賞一番，得知以15秒切完蔥之後，他好像不太滿意，「15秒呀?有冇搞錯」。

有網民指，霆鋒切蔥求快不求質，「原來唔洗理粗幼架?!咁我一頭一尾各一刀，一秒就切完嚕」。自稱有資深廚房經驗的網民直指，霆鋒鬥快似幼稚園學生，更指出他手勢不正宗，「作為一個做左10年廚房嘅麻甩佬，先唔理你切得又大又細又切唔斷，手勢錯，吊手切野，之前啲拋鑊片又錯，唔怪得你話手痛，然後，以咁既速度切野你覺得可以keep到幾多個鐘?」他續指「砧板師父開工切到收工咁滯，咁樣切玩唔玩到半粒鐘，唔好再拍啲咁嘅片啦，完全係一個幼稚園學生咁乜叉都鬥一餐。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。