鄧麗欣漏口風Miki佗B仔：乜唔知嘅咩？

鄧麗欣（Stephy）出席愛培自閉症基金「藍服日2017」，即場設計T恤，希望大家關注和接納自閉症人士。好姊妹楊愛瑾（Miki）快將生B，問會否上契？她說：「我已經係兩個細路仔嘅契媽，做太多唔係幾好。（做Miki個女嘅契媽都好？）仔嚟㗎，乜唔知嘅咩？」

另外，Stephy坦言聽自閉症小童的家長分享時差點想哭，單親家庭長大的她稱童年沒甚信心，少說話不懂表達自己，被人指有自閉症，直至中學結識一班好朋友，令情緒和個性放開。

談到早前與方力申分手有否抑鬱等情緒問題？Stephy說沒有，無論工作及私人感情，頂多不開心一個星期，迫自己拿出正能量，做其他事分散注意。問到分手後是否可以一星期內解開心結？她說好難講幾耐，但不會屈住，選擇打波做運動。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。