張彥博邀林欣彤Busking　選唱哥哥經典歌悼念

林欣彤（Mag）與張彥博昨晚到尖沙咀文化中心Busking，吸引大批市民圍觀，並進行網上直播。由於昨日是張國榮（哥哥）逝世14周年，二人特意選唱了數首哥哥的經典歌曲合唱及獨唱以作紀念，包括《今生今世》、《不覊的風》、《風繼續吹》、《Stand Up》 、《有心人》及《追》，獲網民大讚好聽，更有網民留言大讚「靚仔靚女」，及封二人為「老表新組合」。

阿博自爆今次主動邀請Mag合作，說：「我每年4月1日都會唱關於哥哥嘅歌，因為我同Mag都有好多合作啦，所以今年我大膽問Mag會唔會出嚟Busking，其實我打畀佢時，我都驚嚇親佢。」Mag則笑言今次是她的第一次真正的Busking，並謂：「之前我試過一次，但係係喺拍MV嘅時候。」阿博即接話預告二人將來有更多機會合作。

今次合作其實也經歷一波三折，先後爆咪、忘記歌詞及平板電腦冇電，幸二人積極解決所有問題；Mag獻唱《有心人》時，更獲網民大讚有感情，唱出哥哥獨有的感性味道。談到哥哥，Mag感性地說：「我鍾意哥哥，係因為佢真心對待每一個舞台、每一位觀眾，我希望我哋都可以做到咁真。」最後，她不忘多謝阿博謂：「辛苦晒阿博，所有嘢都係即席喺佢錄音室即刻夾，佢好認真諗應該彈啲咩，同埋佢好細心，唔會放棄每一個細節。」Mag說畢，即豪氣表示要請阿博食飯以示感謝，據知阿Mag最後真的「找數」，果然有口齒。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。