同祥嫂少傾仔女煩惱　夏蕙姨開解睇化啲

陳淑蘭、許博文（強尼） 主持的ViuTV節目《晚吹-總有一件喺左近》進行錄影，請來黃夏蕙擔任嘉賓大談養兒防老的話題。談到好友祥嫂跟子女關係不佳，問到可會不開心？夏蕙姨說：「開唔開心佢自己知，我係外人都唔知佢㗎！針唔拮到肉唔知痛，我哋已經好少講呢啲，經已係舊聞10年前嘅事。（祥嫂立定平安紙？）咁應該睇化啦！人年紀大咗乜嘢都無所謂，我不嬲都開解佢，解到好似我咁快樂咪好，只做開心事，唔開心就唔做。」

夏蕙姨認為最緊要靠自己，從未倚靠兒女，兒女也長大成人有事業。她說：「做女人處理家庭要做得好，我老公有錢剩返畀我，自己保護自己囉！」夏蕙姨坦言任何人也想兒女孝順，如生忤逆子女也沒有辦法。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。