Baby拍劇用替身畫面劣質　製作人駁斥：懷孕Baby拍到中暑

Angelababy（楊穎）與鍾漢良主演的古裝劇《孤芳不自賞》日前2號在內地首播，播出短短幾日已經負評不絕，有網民覺得劇集中有些畫面風格奇特，疑似在錄影廠內用綠布拍攝，再後製虛擬背景合成畫面，兼且批評背景效果劣質。
同一場景戲服不連戲亦時有發生，例如有一場Baby與鍾漢良的對手戲中，本來著上淺綠色古裝衫的Baby，下一秒又變成粉藍色。搞到網民都忍唔住讚Baby換衫神速，又提醒不專業的製作組請同統一的濾鏡，免得色差有天淵之別。眼利網民再找錯處，指出男女主角鍾漢良、Baby是只拍近景和特寫，其他戲份明顯身形有出入，都是用替身上陣。而Baby的演技亦被指唔多掂，經常瞪大隻眼，睇到悶。
該劇製作人見負評多多，即在微博發文，出面駁斥傳言。他表示用綠布拍攝技術是普遍手法，對於後製特效差而深感抱歉。此外，製作人也為男女主角解釋，指出用替身是擔憂演員受傷，不過鍾漢良不論騎馬、吊威也都親自上陣。甚至拍劇時懷兩個月身孕的Baby亦堅持上屋頂拍攝，捱住天時暑熱配合劇組，多次中暑暈倒都冇呻辛苦，怕因身體不適拖累劇組進度。
話雖如此，但網民依然插爆《孤》劇製作差畫面劣等，驚訝Baby、鍾漢良只負責近景和特寫鏡頭就可以輕鬆拎到合共人民幣1.2億酬勞（約1.3億港元），據知就連工作人員都埋怨很少見過兩人到片場。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。