何超仪遭华星炒鱿陷低潮 阿妈蓝琼璎叫“唔好再献丑” 赌王父何鸿燊曾劝：唔好再做鸡
被誉为“赌王最叛逆千金”的何超仪（Josie、何超），在赌王何鸿燊17名学历显赫的子女中独树一帜，她既不爱读书亦未念过大学，更拒绝接手家族生意或做社交名媛，毅然抛开百亿家族光环以歌手及演员身分闯荡演艺圈；日前她与丈夫陈子聪接受郑裕玲（Do姐）主持的YouTube访谈节目《The Do Show》访问，大爆出道心酸。她坦言当年虽由传奇经理人陈家瑛带领，却因对方坚持以顶级团队规格拍摄MV，遭所属华星唱片高层嫌“成本太贵”、仅获新人奖且唱片销量万余张为由狠心解约，令她顿时陷入长达两年零工作的事业低潮，期间母亲蓝琼缨甚至狠批劝退直言：“你唔好再献丑，唔好再丢人现眼”，历经冷嘲热讽才一步步走过低谷。
何超仪被阿妈叫“唔好再献丑”
何超仪在华星时期曾推出专辑《何家淑女》，专辑名称带有反讽与自我嘲讽意味，展现出她叛逆、独立的强烈个人风格，并凭此获得多个新人奖项。可惜唱歌事业刚起步便遭到华星解约，何超仪坦言当刻心情极度失落：“失落度喺度系咪应该返去美国呀、英国𠮶啲读书呢？连我阿妈都捉我倾偈，叫我为何家，唔好再献丑啦，不如去读书，以后匿埋啦。我话唔得，咁跟住后尾我就两年无工作，反而识咗啲喺个海𠮶度玩wakeboard嘅friend，原来喺个海度真系好free嘅感觉，同埋无晒𠮶啲包袱。咁我就玩咗两年滑水。我都冇即刻去揾边间公司，因为你知好𤓓，俾一间公司炒咗，间间都唔睬你嘛，咁我就净系玩滑水，结果有一日收到电话。系我妈咪个朋友，佢话‘我可唔可以约你食餐饭，我个角色想pitch俾你演’，我即刻呆咗，佢话‘你会唔会介意呀，好污糟邋遢㗎’，我直头呕饭应啦！𠮶阵系好失落，好迷失，成个人全部错晒。”何超仪称当时陈子聪都有劝自己：“佢叫我唔使年年都做嘢嘅。”
何超仪从小很崇拜大姐何超琼
何超仪是二房蓝琼缨的幼女，与大家姐何超琼、二姐何超凤及三姐何超蕸的感情十分要好。何超仪从小就很崇拜何超琼：“我觉得佢待人处事好叻，就算做生意两边嗌交，佢都揾到个平衡点，做到带来双赢局面，我好欣赏佢做到呢啲嘢。因为我冇读过大学，一早就读社会大学，我好仰慕佢嘅处事方式，觉得佢好大胆、有干劲，我就成日都好惊，好多嘢都唔敢讲。”何超仪在节目上亦提及外界多年来对她的标签与误解：“我以前做咗好多年artist呢，都几阴功嘅。我出亲嚟sell唱片又好，sell电影又好，一出event都好，啲报纸呢就唔会写何超、唔会写何超仪，亦唔会写Josie Ho。就系赌王何鸿燊千金何超仪，仲要系幼女，个名系无人记得，我哋太多兄弟姊妹啦，咁大家就分唔出系边位。所以而家呢，我都会叫我何超，咁就会分得出啲。自从我爸爸逝世之后呢，啲人都嗌返我名，我系佢个女唔紧要，但我希望大家当时尊重我啦，我都有个名㗎嘛。唔使七个字嘅，而家好返好多啦，真系用我名啦。”
何鸿燊心疼何超仪拍戏演妓女
谈到爸爸何鸿燊，他曾表示何超仪是自己最疼爱的一个，因何超仪与年轻时的自己性格十分相似，故一直全力支持女儿发展演艺事业，甚至曾打本一亿给她开戏。不过何超仪说过：“如果自己写剧本都唔系可以氹得屋企人投资，一来要睇值唔值得，佢哋都系生意人，讲到做生意嘅话，就连亲情都无得倾。”何超仪过往曾接拍多部突破尺度的电影，在2003年港产片《豪情》中饰演妓女“赵啷啷”，勇夺香港电影金像奖最佳女配角，其后于2016年再度接拍新加坡导演邱金海的情色电影《无限春光27》，再次挑战妓女角色。当时何鸿燊得知女儿再次接拍这类角色时，曾开玩笑对她说：“你唔系呀？你又做鸡？可唔可以唔好再做鸡？”何超仪幽默且坚定地回答父亲：“我做鸡先至掂，今次唔系普通嘅鸡，系好有代表性，好有意义嘅鸡。”父女互动令不少网民爆笑。
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
