邱彦筒新歌出炉揸男友长车拍MV惊到震 大妈Look笑爆全场

女团COLLAR成员邱彦筒（Marf），昨日推出年度第三支个人单曲《五时花 六时变》，歌曲以双子座特质为题，为完美演绎出双子座善变的个性，Marf在MV中以多个不同造型上阵，更打破一贯的型格形象，鲜有以喜感造型示人，在MV中发放笑弹。

邱彦筒邀黄伟文填词

今次新歌由黄伟文（Wyman）填词，从歌名不难想像内容，就连Marf也笑说：“同事们听到呢首歌都十分开心，佢哋话‘冇错，就系你嚟！’”Marf透露这首歌由来很有趣，“邀请咗Wyman填词之后，我写咗一堆message畀佢，想按佢嘅心情拣选合适题材，最后，佢话呢首歌作词人系双子座，写畀双子座嘅歌手，话将呢首歌送畀我。我觉得都几有意义，于是专登揾埋今次MV导演，佢都系双子座，就好似全部都系双子座去做今次件事咁，大家最明白大家嘅心意。”

Marf新歌出炉揸男友长车拍MV。

Marf以喜感嘅大妈造型示人。

Marf打破一贯型格形象，在MV中发放笑弹。

五时花六时变，亦是Marf性格特质之一。

在MV中揸车，对Marf来说是最大挑战。

邱彦筒认现实中五时花六时变

作为双子座的Marf，未知现实中又是否五时花六时变？她谓：“我系五时花六时变嘅，喺决定前一刻仲有得郁嘅时候，个脑都不停咁变，但出咗嚟工作后，会睇大局多啲，但内里个心都郁来郁去。”

邱彦筒MV多造型上阵

为演绎双子座钟意变的特质，MV中Marf以多个造型上阵，“今次MV主要讲双子座喺应对意外时，个脑有好多dramatic幻想，所以会有唔同嘅look，代表唔同嘅性格人设，其中一个喜感嘅大妈look，就系代表要照顾人。今次系咪要突破型格感觉？好多人会觉得呢个系Marf嘅面向，唔会估到我可以有几咁极致，一个咁大妈嘅造型，呢个造型仲要显现出母爱同关心人，真系好正，但其实今次MV会有好多面向，而呢个造型，我相信我到60岁都唔会着呢啲衫，所以好惊喜。”

邱彦筒首在MV揸车

至于今次MV最大挑战？Marf坦言是揸车：“第一次喺MV入面揸车，但系架车系Locker（林家熙），我就好紧张，劲惊，始终揸人哋架车会特别紧张，仲要我本身系揸开细车，而呢架系长车，所以我好小心。”