田启文否认爆李力持“双面人”：佢系八面玲珑 唔介意《功夫女足》最后一幕冇出现

田启文（田鸡）昨日（28日）出席《香港影视界庆祝中华人民共和国77周年招待会》。他接受访问时回应近日有关他在访问中被指爆李力持“双面人”一事。他说：“冇，冇爆过，随时都讲得，唔需要爆！（你话佢双面人？）呢样对佢唔公平！佢唔系双面人，佢系八面玲珑！你讲少咗咁多面，对人哋唔公平。”他坦言李力持是一个多才多艺的人，指当时只是用幽默方式表达：“唔识佢咪以为尖酸刻薄，其实佢不嬲都系咁嘅表达方式。”

田启文透露黄一飞身体不错

有说李力持当时指他是“打杂”，田启文回应：“系应咗佢讲，好似做打杂咁。（做得开唔开心？）唔开心就唔会做咗13年。”他表示婚后想多些时间陪伴太太，才离开公司。新闻疯传后，有没有收到李力持电话？田启文说两人时常都有联系，对方也没有介意：“𠮶种系关心嘅问候。”又透露李力持有工作，多数都在内地见面。谈到“兄弟情”，田启文指一班《少林足球》师兄弟感情很好，“同飞哥都会安排紧工作。”他坦言作为好朋友，自己会帮他的工作把关：“会帮佢过滤合约，废事佢年事已高，就帮佢过目。”透露黄一飞身体不错，只是有时会“咳两声”。

田启文出席《香港影视界庆祝中华人民共和国77周年招待会》。

田启文指李力持系八面玲珑！

有说李力持当时指他是“打杂”，田启文回应：“系应咗佢讲，好似做打杂咁。”

田启文指一班《少林足球》师兄弟感情很好。

田启文唔介意《功夫女足》最后一幕冇出现。

田启文有参与“揾钱计划”

田启文曾透露有工作安排，会否又揾李力持帮手？他答：“佢就抆水啲啦。而家搞𠮶啲嘢唔系好啱佢做。（收得太贵？）唔怕贵，最惊唔啱用。（会不会揾星爷重聚？）呢个就有难度，难度好高。佢搞紧新嘢，约佢都唔系咁容易，因为佢净系挂住喺度度嘢。（约食饭？）佢成日食饭，但系唔系同我食呀嘛。”他亦透露，之前某些“揾钱计划”自己有参与，不过要留待周星驰公布：“等佢出啦，我讲就唔系几好。”讲及《功夫女足》最后一幕没有出现，他说：“佢临尾做嘅，𠮶时都系15、16年出唔出呢个版本。（有冇唔开心？）冇，有就有，使乜开唔开心，最紧要师兄弟情永在就得啦。”