王嘉尔否认与宋雨琦拍拖：如果系一早追咗啦 自爆曾带女友去哈囉喂

王嘉尔Jackson Wang昨日（24日）以“创作总监”身分出席主题乐园活动，推出个人IP的主题打卡及休闲区，所以别具意义。台上王嘉尔透露，年轻时经常与另一半入哈囉喂玩鬼屋，所以对主题乐园有情意结。早些年已有合作的念头，直到今年才终于有机会合作。

王嘉尔曾与两个女性朋友去哈囉喂

访问中，王嘉尔透露曾与两个女性朋友在万圣节活动中留下回忆：“带咗两个，唔系一次性，系分别，一位成功咗，之后就每年同佢嚟。”记者问为什么另一个不成功，他回答：“因为我做医美之前唔系咁。”今年会否和朋友去“哈囉喂”？他回答：“今年都会去。”记者问：“女朋友？”他反问：“带你嚟好唔好呀？”

王嘉尔昨日（24日）以“创作总监”身分出席主题乐园活动。

台上王嘉尔透露，年轻时经常与另一半入哈囉喂玩鬼屋。

所以对主题乐园有情意结。

讲到今年亚运，他表示有睇张家朗的表现。

问到会不会技痒？他表示平时也有打剑击，因为对减肥有帮助。

近日王嘉尔与i-dle宋雨琦绯闻炒得火热，访问中他否认恋情。

他表示过咗30岁之后，就在乎事业。

近日王嘉尔与i-dle宋雨琦绯闻炒得火热。

王嘉尔称最惨系无人闹

讲到今年亚运，他表示有睇张家朗的表现，但表示爸爸已退休：“佢得闲就睇，唔睇就唔睇。71岁人啦。”问到会不会技痒？他表示平时也有打剑击，因为对减肥有帮助。“剑击系一个运动，我觉得跑步有啲闷，出面跑好啲，但都会闷，剑击系一个游戏，玩嘅时候又着咁多衫，玩一个钟其实900卡路里都已经烧咗。”表示，如果身在韩国，就有一些前国家队朋友陪他打，每个国家都有。被问会否为家朗或将离开赛场感到可惜？他回答：“唔会，佢已经系我哋嘅骄傲，日子总系要过嘅。”谈到蔡俊彦Ryan被网民取笑一事，他回应：“我成日觉得，娱乐圈系一个俾人减压嘅地方，个人辛苦，其实有边个唔辛苦，所以有娱乐圈令你笑，令人闹，令人减压。That’s the nature。呢个就系行业最基本。”更坦言，自己经常被网民“闹爆”，见怪不怪。“细𠮶时会，而家唔会。开心又一日，唔开心又一日。你肯闹我已经好感谢，最惨系闹都唔闹。”

王嘉尔否认恋情

近日王嘉尔与i-dle宋雨琦绯闻炒得火热，访问中他否认恋情。他说：“系冇嘅。（话你哋见晒家长）好多人都见过我父母，冇。（会唔会反击？）我唔会反击，即系人哋话我唔系男仔，你会唔会覆佢？（而家单身？）我系，因为我过咗30岁之后，就在乎事业。（父母唔紧张？）冇乜压力，我阿哥生咗啦，个女都9岁。（同雨琦沟通过？）有沟通但系冇讲过呢件事。（觉得佢好唔好？）好呀！（系你杯茶？追佢？）如果系一早追咗啦。”

最后，问及他签约新公司Roc Nation的感受，他直言有了一个团队管理，提及新公司有十分多顶级歌星，他回答：“其实冇乜用，睇吓你做咩，做啲咩project出嚟，呢个重要啲，帮到我就系个经理管理系统，所有嘢干净咗。”他更自言，自己只不过是个打工仔。