环姐港区2026丨陈家乐连任评判自认眼光好拣到连诗雅 爆女儿有演戏天份够自然

环球小姐（Miss Universe）2026香港区选美大赛总决赛昨晚举行，陈家乐及伍允龙担任评判。连任评判的陈家乐希望今年都可以拣到一个好高质素佳丽。记者笑言陈家乐，大会揾他做选美会评判，是否因为他“眼光好”拣到好老婆连诗雅？陈家乐回应：“er ⋯唔知呀，可能系啦，眼光有一定水准，估唔到主办单位都咁肯定我嘅眼光。同埋今年我多咗少少身分，都系一个表演嘉宾。”他表示要在台上献唱两首歌。

陈家乐连任环姐评判。

他自豪眼光好娶到好老婆。

陈家乐获主办单位肯定眼光。

两位评判陈家乐及伍允龙和佳丽合照。

陈家乐及伍允龙另一半都靓。

陈家乐做埋环姐表演嘉宾。

台上台下打成一片。

陈家乐颁发“最佳台风奖”给8号梁艺龄。

再颁季军予9号梁圣童。

陈家乐及连诗雅陈星颐（Camila）有演戏天份。

连诗雅教抄写记歌词

问到公开唱歌可感压力？他回答：“其实呢几日我不断练紧歌词，好似发紧梦咁，但其实我个脑转紧。”老婆连诗雅教他用抄写方法记歌词：“佢教我背完之后默写，咁样容易啲入脑。”老婆更给予演唱心得，如果忘词就继续唱，不需要理会。近几日他练歌练到声沙。至于老婆连诗雅评语？他回答：“佢冇畀分，但系比以前进步咗。佢觉得我个人可以放松少少。”

陈家乐爆女儿第一日返学见他走即收声

陈家乐分享，在家练习时爱女陈星颐（Camila）兴奋地唱歌：“佢想同我唱，但系我有我唱，佢就唱自己嘅歌，但系佢好享受个气氛。”他指女儿也有演戏天份。谈及第一日送她上学时，本来哭闹的她，在陈家乐离开后就不哭了：“𠮶啲戏非常之好及自然！（有晒你哋遗传）都有嘅，慢慢发掘吓。”

陈家乐囡囡喊完后走去安慰其他小朋友

他续说：“𠮶件事好突然，由一个手抱细细粒嘅BB，到一个识得返学，识得同我讲byebye嘅小朋友，即系唔可以嗌佢BB，只可以嗌佢小朋友。佢第一日返去嘅时候，其实好快已经唔喊，我放低，佢系咁喊，但系我离开咗一分钟，远处望佢一分钟左右已经收咗声。戏囉，佢知我走咗，佢喊嚟都冇用，佢仲要喊完，走去拍啲喊紧嘅小朋友，安慰话‘It’s ok, I’m here’。”原来陈家乐曾教过女儿要安慰身边的人。