Day新MV边食边喊容貌焦虑 邀AK演出 爆对方好怕守宫

女子组合COLLAR成员许轶（Day），昨日推出年度首支个人单曲《你离开我的时候 神奇的事发生了》，曲风节奏较慢，以情伤为题，透过歌曲中失恋后的神奇故事，来为正在受情伤困扰的人提供治愈；为了令歌曲更具戏剧性，今次MV除了特别邀请AK江𤒹生、亨仔陈镇亨参与演出外，又与AK新歌MV作故事连系，而拍摄期间，虽然有两大型男坐镇，不过Day却情迷守宫。

Day首次唱惨情慢歌

今次新歌由徐浩编曲及作曲、黄伟文填词，讲述失恋故事，Day表示：“当失恋后会经历唔开心，初初可能会好颓，但日子过后，会独自度过不快时间，希望透过歌曲可以治愈啲失恋嘅人，畀大家知道，失恋除咗好唔开心之后，仲可以有另一种取态。”Day自言今次是她首次唱惨情慢歌，她说：“去年认识徐浩，今年幸运地得到佢为我编曲同作曲嘅一首歌。”歌曲另一特色，是同AK新歌MV作故事连系，Day指：“今次MV想故事性啲，本身都想揾AK做男主角，咁啱知道佢出新歌，于是就有一个咁嘅连系，我同AK喺故事中并未系情侣，我饰演一个刚受情伤嘅人，准备逃离时认识AK，之后佢追求我，但故事结尾系open ending嚟。”至于另一位男角亨仔，在MV中饰演Day的前度，Day谓：“导演想揾一个同AK好大分别嘅男仔，突然谂起亨仔赢咗健美比赛，唔好浪费佢而家咁好嘅身型，于是揾佢演出做大只前男友。”

COLLAR成员许轶（Day）推出年度首支个人单曲《你离开我的时候 神奇的事发生了》。

新歌为正在受情伤困扰的人提供治愈。

今次新歌由徐浩编曲及作曲、黄伟文填词，讲述失恋故事。

Day捉住守宫，好大胆！

亨仔陈镇亨在MV中饰演Day的前度。

Day特别邀请AK江𤒹生拍MV。

Day认为最大挑战是一路食嘢，一路好伤心！

Day拍MV边食边喊好大挑战

Day第一次与AK、亨仔拍MV，尤其跟师兄AK，过往二人曾合作影杂志，但没太多交流，今次她们却不时偈倾交流，Day透露：“喺故事上，佢养咗只守宫，交畀我照顾，但现实中，佢好惊守宫，反而我唔惊，所以有好多趣事发生，我觉得守宫真系好得意、好细只，其实拍摄MV前，都构思有只守宫，之后导演分享咗呢只守宫啲相俾我，我一见到已经觉得好啱心水，感觉就系佢喇，同我幻想嘅守宫系一模一样。”不少女仔都会惊爬虫类动物，问到Day是否天不怕地不怕？她笑说：“都惊架，恐龙、鳄鱼都会惊。”拍摄期间，有一幕Day需要边吃边喊，情感大爆发，对此她认为最大挑战：“要一路食嘢，一路好伤心，画面好生活化，但最大挑战就系容貌焦虑，未知我喊嘅时候会唔会好样衰。”