容天佑与富贵妻遇外佣走佬极崩溃 婴儿房变恶臭蚁窦 厚颜索机票回乡 疑偷合约恐遭收数
容天佑与太太扶天恩（Winnie）的女儿“澄澄”在今年５月出世，这对新手父母不时分享女儿的萌爆可爱相，昨日扶天恩在IG撰长文大吐苦水，控诉遭遇无良外佣精心部署“走佬”潜逃的事件，并留下一个令人作呕的恐怖烂摊子，令夫妇二人极度崩溃。
扶天恩惨痛遭遇得到不少同情
扶天恩的惨痛遭遇得到不少圈中好友与及网民的同情，庄雅婷说：“可以去劳工处同入境处备案～ 避免佢再黎香港玩其他雇主。”扶天恩亦有回复：“知道，不过好似话佢哋可以改名同埋改出生日期，就可以重新出发了~”向海岚亦说：“OMG! 𠮶日听到都觉得匪夷所思。原来后续仲要你地补机票，希望唔好有其他手尾。最惊有人追数。”
扶天恩的外佣姐姐精心部署“不辞而别”
扶天恩昨日在IG撰长文，大吐苦水表示外佣姐姐趁她出埠公干，精心部署“不辞而别”。外佣姐姐在她离港首日即清空衣柜潜逃，甚至在机场因故被遣返。更令人崩溃的是，外佣临走前在婴儿房倒泻咖啡不顾，令房间惨变恶臭“蚁窦”，大批婴儿用品全数报废。事后外佣姐姐更透过中介厚颜要求雇主买机票送其回乡，连雇佣合约亦告失踪，令扶天恩无奈慨叹雇主毫无保障。全文如下：
我工人系我出trip嘅第一日冇返屋企。佢知道我要离开香港七日，所以精心部署走佬计划！
第一日夜晚，当日系星期日，我老公收工返到屋企，夜晚11:00发现姐姐竟然唔喺屋企！？
所以我WhatsApp佢问佢安唔安全，有冇事，佢已读不回。第二日我继续WhatsApp佢，变咗一个剔，打电话都唔通，我又身处海外，一路做嘢一路担心佢有啲咩事。去到第三日，我都如常每隔一个钟就打俾佢同WhatsApp佢，去到下昼，佢终于都覆我讯息！！！我问佢，你去咗边呀？咩事呀？佢同我讲我一路都喺香港，可唔可以等你返嚟先同你解释？
我同佢讲，我唔知你喺边度，又担心你有啲咩危险，我觉得你有必要依家同我讲发生咗咩事。
然后有另一个香港人拎咗佢个电话听，佢同我讲，hello我喺香港国际机场嘅地勤人员，你姐姐飞咗去某一个地方，但系俾人遣返咗，所以姐姐唔知道依家应该去边。其实本身我都心中有数，因为佢走佬嘅𠮶一晚，我老公见到佢个柜入面已经冇乜嘢，净系留咗一杯饮剩嘅咖啡同埋食咗两啖嘅方包摆咗喺枱面。当然，佢本身谂住走佬嘅话，我唔会想佢返屋企(好彩我离开香港𠮶日，我将我个女带咗去我妈咪度，屋企得反两只狗急到濑咗尿嘅狗）
所以我叫佢去agent度，等agent安排。（先撇除唔讲佢平时做嘢态度同埋极度污糟嘅工作表现）啱啱落机返到屋企，谂住大扫除做清洁，发现佢喺BB房倒泻咗咖啡，冇抹返干净不特止，仲惹到成地都系蚁，所有尿片，同埋其他BB嘢都布满蚁，墙上面同埋地下已经有渍同埋好臭
基本上所有尿片都唔用得，成间房要反转重新清洁，灭走晒啲蚁。Agent话姐姐要求我而家即刻买机票，佢要求明天返菲律宾。而家请工人真系好难，请到好工人真系要好好珍惜，雇主太无保障了。File入面嘅合约又唔见埋 希望一个月后唔会收到收数公司嘅信啦！
扶天恩希望政府可以正视一下
其后更有不少网民分享个人经历，扶天恩说：“我收到好多好多好多人同我讲佢嘅朋友或者自己嘅工人姐姐都系喺呢两个礼拜突然间走咗佬，希望政府可以正视一下。”她又称仍未买机票，可能最后都要为对方安排，但有人说：“擅离职守，无故失联可以唔使补机票，Agent有机会同工人姐姐夹埋扯猫尾？”扶天恩再说：“后尾我查到雇佣条例，佢擅自离咗境再返返嚟香港的话，好似已经唔关我事。”当然亦有人提议报《东张》，不过最令扶天恩感头痛：“请过个又要等一段时间了！”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
