陈晓华自爆理智购物者：唔会六位数买衫 预告新剧收视好即影写真派福利

陈晓华（Hera）日前出席时装品牌活动，大方分享个人的购物习惯。她自爆买衫风格两极，但未有失控“疯狂购物”：“唔会六位数买衫！冇！我主要睇个Style，𠵱家更加会拣啲实用同百搭，可以重穿嘅款式，至于旧衫就会捐出去，今年年初已经捐咗两大袋冬装同春装，唔会浪费。”

陈晓华回应狂迷事件

提到早前出席剧集宣传时遇上狂迷，被网民大赞冷静得体，Hera直言当时并无被吓倒：“我冇吓亲，亦都冇话惊慌。因为当时最主要系谂点样可以平息到呢件事，好担心会唔会有身体碰撞、会唔会有人受伤，好彩当时都冇。最紧要大家安安全全、身体健康，希望下次见到大家时都可以带住愉快嘅心情。”

陈晓华（Hera）日前出席时装品牌活动。

Hera和品牌高层合照 。

陈晓华换上冬装。

陈晓华分享个人的购物习惯。

她自爆买衫风格两极。

却未有失控“疯狂购物”。

陈晓华置装唔会超过六位数。

陈晓华会拣啲实用同百搭，可以重穿嘅款式。

陈晓华今年初已捐出两大袋冬装同春装。

陈晓华预告新剧《死有对証》收视好即影写真派福利。

一年前陈晓华身材不错。

陈晓华有好多宅男粉丝。

陈晓华晒一年前泳衣相。

陈晓华被赞身材禾秆冚珍珠 。

陈晓华预告收视好即影写真

至于早前社交平台泳衣相亦引起网民热议，Hera大爆该相片属“旧相”，预告再派“福利图”：“ 早排有一段时间食得胀咗，而家认真修身，身形返番去𠮶张相嘅状态我先够胆Post出嚟，好惊大家成日觉得我𠮶张系假相！如果今年再努力一点，咁就可以系时候影过写真，希望大家多啲支持《死有对証》，如果收视好，福利好快就会嚟！到时拉埋成套剧嘅演员一齐，好似阮浩棕、韦家雄，咁就够晒气氛！”

陈晓华自爆穿搭哲学 

呢日Hera亦在活动上大谈其独特的穿搭哲学。自言在穿着上属于“勇于尝试”一类的她，特别喜爱将不同质感的服饰混搭。Hera分享道：“我个人比较忠于自己，好钟意拣一啲异于常人会着嘅衫。例如著一条好女仔嘅丝质裙，但会衬一件好型嘅冷衫，令到个对比好大，呈现一种‘刚柔并重’嘅感觉。”她笑称自己的衣服主要分为“极具女人味”及“非常男仔头”两大类型，平时最享受将两者Mix and Match。