Twins亲揭唔玩红馆内情 蔡卓妍钟欣潼Side by Side并肩20载跨高低12月会展开骚

Twins今日宣布12月18至20日将于湾仔会展举行一连三场《Twins Side by Side Concert》Sidetrack演唱会，今次开show唔玩红馆大场，阿Sa、阿娇谓今次是以歌会友，要跟fans来个近距离“肩并肩”接触。今次“的起心肝”开Sidetrack show，阿Sa直截了当表示：“因为未开过囉！”阿娇接力说：“同埋我哋画饼都画咗10几年啦！”阿Sa指以前出了很多专辑，但并非每张专辑中的歌都可以派台，“入面有好多沧海遗珠、好多好歌，好想趁呢个机会唱番俾fans听。”对于歌迷笑言她们经常“走数”，阿Sa即刻耍手拧头，“唉！唔关我哋事。”阿娇和议，“嗱！同找数冇关系嘅，系纯粹我哋想开！”

Twins今日宣布12月18至20日将于湾仔会展举行一连三场《Twins Side by Side Concert》。

今次为Sidetrack演唱会。

蔡卓妍钟欣潼并肩20载跨高低。

两人Side by Side再战舞台。

Twins亲揭唔玩红馆内情 。

大家都相当期待。

《25+ 英皇群星演唱会》由组合Twins、关智斌（Kenny）打头阵。。

Twins不时合体。

两年前完成红馆演唱会。

参考《容祖儿·My Secret·Live》望近距离接触粉丝

这次选址会展，阿Sa解释因为Sidetrack，所以不想要一个很大的场地，笑说：“又惊唔够人啦。”阿娇即谓应该不会，阿Sa就话：“咁Sidetrack吖嘛，我相信我哋唱返主打𠮶啲歌，应该大啲都冇问题。”阿娇坦言不担心，“我觉得Sidetracke嘅歌会系跟得好贴嘅歌迷先会识唱，同埋又可以同大家近距离啲，感觉唔需要太大嘅台面。”阿Sa又提到之前看过《容祖儿·My Secret·Live》，同样是Sidetrack演唱会，觉得那种温馨感觉很好，坦言想跟fans距离近一点，“所以今次就攞个中间，唔系细到好似阿祖咁细，但又未至于大到好似红馆咁大，就系喺会展啦。”阿娇听完都忍不住大赞，“讲得好好。”至于有否向祖儿取经，阿Sa就话：“各有各做㗎嘛，佢嘅style又唔系我哋嘅style，佢上次嘅《My Secret Live》我都睇咗几场㗎，都取咗（经）㗎啦。”她透露很多年前已经有在筹备，阿娇则说想有一个以歌会友的感觉，说完二人忍不住大笑，阿Sa大赞阿娇：“你真系讲得好好呀。”

预计唱30几40首全部都似新歌

歌单方面，阿Sa坦言第一轮选出60多首Sidetrack，之后再筛选还剩40几多首，阿娇问道：“我哋要唱几多首呀？”阿Sa谓预计20多、30首，阿娇就话：“再加你心软啦，加多10首，我谂30几40差唔多。”她续说：“我拣歌嘅时候，对我嚟讲全部都系新歌，哈哈。实在太陌生啦。”两人随即大笑。问到会否于社交平台收集fans意见，阿Sa表示大概知道fans喜好，“因为我哋每一次开演唱会到最尾点歌𠮶一part，有啲歌佢哋永远重复又重复咁样点。”阿娇就“突破盲肠”，“重点！有我哋两个就够啦。哈哈，系咪？”阿Sa接话：“以歌会友！”

Twins解构Side by Side

演唱会名为“Side by Side”，阿Sa拆解当中意思，“‘Side by Side’就好似我同阿娇咁多年、20几年嚟，我哋都系肩并肩一齐去跨过无论系开心定系唔开心，高光或者低谷嘅时候，我哋都系肩并肩。而Sidetrack亦都系同我哋嘅主打歌一直喺度肩并肩，所以先至成就到一张好好嘅专辑。”至于海报的赛车手造型，阿娇即说：“Track（跑道）吖嘛。”阿Sa解说：“落Track呀我哋。即系呢一条路其实一路都系我同阿娇两个一齐冲，同埋我哋真系未试过赛车手嘅造型，扮鬼扮马我哋都扮得多啦。”阿娇就话：“系扮型我哋未试过。”说完二人又再次笑到收唔到声。