梅妈离世丨潘小文揭梅启明藉梅姐名赴美借到周身债 曾向母索钱娶泰妹 握录音随时对质

已故乐坛天后梅艳芳母亲覃美金（梅妈）于8月30日离世后，梅家再掀丧礼主办权与遗产争夺风波；被封为“遗产界KOL”的长子梅启明高调宣称要动用梅艳芳信托基金为母“风光大葬”，更因姪仔手持梅妈身分证明文件到殓房认尸而未能签纸，怒轰姪仔“冇资格同我争”并扬言申请禁制令，引来梅妈生前好友潘小文在YouTube频道《娱乐小奶妈》怒轰其呃钱恶行，直斥他是“人渣中嘅人渣”、“双眼除咗睇到钱之外乜都睇唔到”，除了力撑意愿低调办丧事的梅家孙儿，更扬言手握梅妈生前录音，随时公开对质。

潘小文直斥梅启明为“人渣中嘅人渣”

潘小文昨日（1日）继续YouTube频道《娱乐小奶妈》怒轰梅启明的呃钱恶行，潘小文斥对方为“人渣中嘅人渣”，表示：“你有本事你咪做囉！我而家讲到明，就系我撑硬啲细路㗎啦。你唔好再虾啲细路，你老母已经唔想认你呢个仔啊，所以你可以悭啲，收X啦你！佢真系食屎呀！佢双眼除咗睇到钱之外呢，我都几肯定佢乜都睇唔到㗎啦。”潘小文更扬言有梅妈的录音，待有需要会拿出来与梅启明对质。

梅妈2011年被终审法院裁定败诉。

梅妈与梅启明在中环汇丰银行开记者会声讨。

电影《梅艳芳》为梅艳芳传记电影，2021年11月上映，票房大收6206万。

梅启明于2021年突然入禀高院控告安乐的电影《梅艳芳》侵权。

梅妈与梅启明因电影《梅艳芳》侵权问题反目。

潘小文说：“记住畀晒钱先好揾律师啊。”

潘小文说：“搞到Auntie几乎临老畀政府申请佢破产，都系你条仆X搞出嚟。”。

潘小文扬言：“我知嘅嘢都系Auntie亲口讲返畀我听，同埋当年好多发生过嘅事，佢都同样我讲。”。

潘小文说：“Auntie 生前讲到明啊，叫几个细路唔好惹你啊，就知道你黐X线啊。”

潘小文。

梅启明收到梅妈离世消息，带和泰妹二奶到医院。

梅启明带同红颜知己恩恩到场（左）。

梅启明带泰妹二奶见记者。

梅艳芳纪念馆恩恩亦有份参与。

近年恩恩同梅启明拍住上返内地揾食。

Joey指梅启明造假租约。

Joey指梅启明造假租约，带泰妹二奶登入室。

梅启明跟第2任妻子Joey及儿子Richard。

Richard和妈妈相依为命。

Joey指控梅启明有酗酒习惯，并指梅启明涉家暴及虐儿。

当年一家三口在城市花园住所打边炉。

22年2月10日梅启明曾藉醉发难。

梅妈的两个女儿梅爱芳（左）与梅艳芳，分别于2000年、2003年离世。

梅艳芳的遗产除供养母亲梅妈外，还预留读书基金给胞姐梅爱芳的两名儿子、兄长梅德明的两名女儿。

梅妈育有两子两女，有指梅妈一向重男轻女。

梅艳芳四岁半时已与胞姊梅爱芳出来演唱。

​2014年，梅艳芳二哥梅德明患上喉癌，终在2015年离世。 ​

梅妈早已抱孙。

梅妈原本可享儿孙福。

梅妈2022年登报与儿子梅启明脱离母子关系。

梅妈两年半来一直拒见大仔梅启明。

“梅妈”覃美金荣升人瑞时，收到由“劳工及福利局局长”致送祝寿贺函和贺卡。

梅妈在家中庆祝100岁生日。

梅妈早已过100岁。

梅妈曾多次上诉，想从信托公司取回梅艳芳全部遗产。

“梅艳芳国际歌迷会”今年初曾在IG分享一段梅妈的贺年祝福影片。

潘小文反击：有屎都系梅启明先食

潘小文早前透露梅妈已立下遗嘱，遗嘱执行人及丧礼将按照其生前意愿，交由梅德明的儿子（孙儿）全权处理。梅启明则反驳指潘小文无权干预：“呢个唔需要理佢，孙就系孙，仔就系仔，佢冇权处理任何嘢！佢话有遗嘱都冇用，我会搞咗啲手续先。”对此，潘小文昨日与李婉华合体开直播反击：“本来我冇嘢讲，但对住佢啲无耻行为，真系顶佢唔顺！几时轮到我食屎？有梅生喺前面，多多屎都系佢食先啦！佢直情语无伦次、不知所谓，我讲佢都嘥气！佢叫我食屎，有屎都系佢食先！”潘小文更忆述当日在急症室的情况：“我企喺佢前面叫佢冷静啲，佢直情有‘面盲’，唔认得我都算，连自己啲姪仔姪女都唔认得，仲够胆话我带陌生人入去！佢真系双眼除咗睇到钱之外，乜都睇唔到！”

潘小文斥梅启明不尊重女性、谎话连篇

潘小文进一步怒轰梅启明不尊重女性：“佢带住𠮶两个女人，一个系佢默认结婚嘅太太 May May，另一个叫茵茵。佢竟然话茵茵系 Auntie（梅妈）嘅助手？Auntie 从来都冇助手！呢个茵茵系佢自己认嘅红颜知己，咪平时同佢一齐去大陆跑细场嘅所谓歌手，两条友攞住梅姐啲歌周围揾钱！”

潘小文又翻旧帐指控梅启明：“当年佢自己攞份租约出嚟，叫𠮶个泰国女人搬入屋瞓主人房，仲骗老婆话租咗间房畀人，佢当佢老婆傻㗎！而家仲撇低老婆同个仔喺马来西亚自生自灭。佢话有畀钱老婆呀嘛，攞银行 Statement 出嚟啊睇！佢走去跑马地警署话要攞返梅妈张身分证，佢都黐X线……张证从来都唔喺佢手，佢又话锁喺夹万——夹万得你有锁匙啊？佢自己都认起码两冇见过老母，唔止两年啊，三年啊……起码三年冇见过佢老母啊！事实上梅妈真系好怕佢，想见一早见咗啦，就系怕咗你先唔想见！你讲得啱啊，冇人够胆惹你，因为大家都知道你Shot㗎嘛！”

潘小文爆梅启明攞几十万与泰国婆结婚

梅启明元配 Joey 日前接受《星岛头条》独家访问，惊爆梅妈生前是被梅启明“活活吓死”，潘小文证实确有其事：“梅启明攞钱攞到 Auntie 话冇钱，佢唔信，就攞锤仔将屋企啲门锁同有锁嘅柜桶全部打爆，吓到 Auntie 入医院！之前佢已经呃咗 Auntie 几十万话要同泰国女人结婚，点知攞完钱冇摆酒，又冇同 Joey 离婚。𠮶笔我相信已经系 Auntie 最后嘅积蓄，之后佢再问 Auntie 攞钱，Auntie 话冇，佢就发癫攞锤仔四处砸烂嘢！”

潘小文指梅妈曾亲口向她透露此事：“梅妈吓到住咗三个月医院，之后搬到荃湾某屋苑住咗几个月，点知被梅启明发现，日日去屋苑逐座逐层大吵大闹，搞到神憎鬼厌，梅妈最后唔好意思唯有静静鸡搬走。如果佢话要分遗产，咪攞梅姐、爱芳姐同德明𠮶三个神主牌囉！呢三个系梅妈嘅心肝宝贝，无论点都要上香，梅启明你次次出场都剩系为攞钱，你系咪人嚟㗎？”

梅启明藉梅艳芳之名借债、怂恿打官司耗尽家财？

潘小文又透露梅启明早年曾因欠债避走美国，梅艳芳离世后半年才返港：“佢喺美国又系用梅姐个名借到周身债。梅姐过身之后𠮶半年就走返嚟……返港后攞梅姐个名注册商标，搞咗个所谓嘅‘梅艳芳纪念馆’，我上去参观过，入面乜都冇，佢当时已经话要卖啲 product。过咗冇耐，佢就开始氹 Auntie 打官司告慈善基金。Auntie 重男轻女，以为剩返呢个仔靠得住，个仔叫佢做咩就做咩……当然 Auntie自己都想攞返嘅。”

潘小文续指：“梅姐好醒，生前一早知道个大佬会返嚟搞鬼，所以成立信托基金，讲明啲钱只畀阿妈养老，仲有资助姪仔姪女读书。呢个仆X梅启明不停话要打官司攞返啲钱，梅妈被佢带住周围去，全世界都话畀梅妈听系唔会咁样攞到㗎！𠮶个信托基金稳如泰山告唔入，最后畀完律师费，都已经冇乜钱，靠基金攞钱生活。”

已故乐坛天后梅艳芳母亲梅妈覃美金8月30日离世，享年102岁。

梅艳芳与梅爱芳都非常孝顺梅妈。

梅妈与梅启明一度被讥“遗产界KOL”。

梅妈于100岁时遭律政司司长入禀高等法院申请破产。

对于梅启明的“孝心”，肥妈说：“不嬲都想动呢个基金㗎啦，做唔做都系想动呢个基金㗎啦！”

肥妈更嬲爆说：“佢有几个女朋友，一阵间又话再结婚㖞，跟住佢老婆走出嚟话未离婚。”

肥妈更嬲爆说：“佢阿妈嚟讲就一个了断。”

肥妈赞阿梅就好孝顺。

肥妈说：“佢阿妈又系纵呢个仔纵到都黐晒线嘅。”

潘小文指梅妈因梅启明用锤仔打爆全屋搜刮财物，吓到入医院三个月。

梅妈过往与梅启明多次出入法庭争遗产。

梅妈曾在闹市开记招，大呼要为阿梅之死讨公道，当时梅启明也相伴在则。

梅妈多年来用层出不穷原因，索取梅艳芳的遗产。

梅妈2009年曾申请80万环游世界被拒。

梅妈2004年至2011年间多次出入法院，梅启明亦在旁边傍实。

梅妈怒斥梅启明“财迷心窍”，更被激到血压急升不适入院。

梅妈在2022年2月更登报与梅启明断绝母子关系，梅启明随即开街头记招，指摘是姪仔梅柏麟在背后操纵事件，又呻每月只得2万元零用钱。

梅启明指梅妈每个月有25万元，但只给他2万元。

梅启明被指未离婚搭上泰籍女友May May，早前透露将摆喜酒结婚。

梅启明指曾因为见不到妈妈而到警署备案。

梅启明表示打算结婚，所以想母亲（梅妈）为两人择日及决定婚礼事宜。

潘小文扬言有梅妈录音可对质

潘小文透露梅妈生前对梅启明彻底心淡，源于对方屡次因贪财生事，包括不顾梅妈反对执意就电影《梅艳芳》兴讼遭梅妈痛斥“财迷心窍”、带泰国女友回家后索钱不遂，甚至擅自变卖粉丝送给梅妈的寿辰金牌兼撬锁搜刮。潘小文表示：“带个泰国婆返嚟斟杯茶畀梅妈，咁人哋斟杯茶咪饮囉，佢又返转头又要攞钱，梅妈话冇钱佢都唔信。”

对此，潘小文扬言手握经梅妈同意录下的录音，以备日后随时对质，并隔空警告有意接案的律师“记住收晒钱先好做嘢，佢根本冇钱”。她更痛揭梅启明过去欠下的烂摊子险令梅妈破产，最后全靠姪仔出钱找数，怒轰姪仔“30几就嚟40岁，为咗照顾阿嫲连拖都唔敢拍”，梅启明却风流快活还反过来欺凌姪辈，因此强硬表态：“我撑硬啲细路，你唔好再虾啲细路！你老母已经唔想认你呢个仔，所以你可以悭啲，收X啦你！”