肥妈否认《中年好声音4》内定自嘲乌鸦口 ：讲边个边个输 郭锋复出拍剧力撑Do姐访问冇失手

肥妈接受访问时，提到因节目《中年好声音》而暂停走埠登台，近期亦安排了不少美加地区登台，但她表示到美加登台可以顺道探望子女儿孙，更豪言：“赚到几多钱一齐使晒佢。”

肥妈谈狗咬死人事件感心寒

提起早前打鼓岭犬只咬死人事件，肥妈十分愤慨，直言：“其实狗好，咩都好，你养得佢，你一定要负责任。我系特登请个男工人拖啲大狗，同埋我啲狗嘅狗绳唔长。你养得大狗就要有责任，大狗细狗都系。”她又表示，家中安装了3米高铁闸，目的就是防止大狗跳墙而出。邻居会否担心肥妈的大狗出入？她回答：“冇㖞！因为佢睇住我哋出入都系揸住。睇到新闻直情心寒！我未听过狗咬死人，同埋只狗咬死哥基都唔得啦。冇责任感嘅人唔好养狗。”

肥妈接受访问时，提到因节目《中年好声音》而暂停走埠登台，近期亦安排了不少美加地区登台。

她表示到美加登台可以顺道探望子女儿孙。

提起早前打鼓岭犬只咬死人事件，肥妈十分愤慨。

问听日边个三甲？肥妈：“我讲边个，边个输㗎！”

冯素波亦有出席发布会。

肥妈可惜2个港人争1分

明天(23日)就是《中年好声音4》决赛，有传出现内定名单。肥妈就回应：“点内定呀？又唔系香港，我都唔识佢，系咪收视会高咗？我都唔知几想有香港人入。周国丰讲得啱，我把乌鸦口。我话呢位香港仔得呀，点知输一分，入梗，讲完之后佢个喉咙发炎。阿康又系，佢应该入到，但系后尾两集先豁出去，一早豁出去就唔使争一分。”如果有人问你听日边个三甲？肥妈：“我讲边个，边个输㗎！”

郭锋认为太太休息几年怕触景伤情

郭锋接受访问时谈起近况：“ViuTV套剧完咗，好开心知道成绩唔错。”问到参演ViuTV人气剧集《日落下的彩虹》是否为“过戏瘾”还是回归幕前，他回答：“两样都有，彩虹邨系我大嘅地方，好荣幸可以喺度打卡，拍剧，我啲屋企人，朋友都话：‘你就好啦，打卡打到咁样。’好幸福。”

早前Do姐郑裕玲主持的商台节目《口水多过浪花》中，访问《日落下的彩虹》四位主要演员夏雨、郭锋、强尼和陈欣妍，节目播出后，网民批评Do姐郑裕玲“失手”做访问“冇做功课”，更有人指“Hea做”。对此郭锋就不甚介意，说：“都系想大家留意套剧，Do姐有冇做功课，冇乜问题呀，访问之嘛。”访问中，Do姐郑裕玲指郭锋“收埋自己”，他在访问中回答：“冇话收唔收埋，太太走咗之后，𠮶几年真系心情好跌落去。因为做戏都系好情绪，可能有啲场景，对白，会触景伤情，对大家唔住。”所以选择休息一段日子。

郭锋接受访问时谈起近况：“ViuTV套剧完咗，好开心知道成绩唔错。”

问到参演ViuTV人气剧集《日落下的彩虹》是否为“过戏瘾”还是回归幕前，他回答：“两样都有。”

郭锋太太走咗之后，𠮶几年真系心情好跌落去。

郭锋怕会触景伤情，对大家唔住，所以选择休息一段日子。

网民批评Do姐郑裕玲“失手”做访问“冇做功课”，更有人指“Hea做”，对此郭锋就不甚介意。