夫家出首期买北都新楼 准新娘过海返工嫌远兼怕住近奶奶 网民教“一绝招”反客为主｜Juicy叮
结婚买楼若遇上带条件的资助，随时引爆婆媳大战。一名准新娘近日发文，指夫家主动出首期买北部都会区新楼，她却因过海返工嫌远、兼怕住近老爷奶奶而陷入两难。
不少网民警告这笔首期是“隐形炸弹”，但亦有人破格教路“一绝招”，传授她如何精明地反客为主，轻松化解这场首期风波。详情见下图及下文：
夫家出首期买北都新楼 准新娘过海返工嫌远兼怕住近奶奶 网民务实教路“一绝招”反客为主逐张睇↓↓↓↓
夫家付首期但住近奶奶
楼主昨天（14日）在社交平台 Threads发帖，分享自己即将步入婚姻殿堂的烦恼：“初级大人准备升呢做中级大人啦🙋♀️下年会同男朋友结婚，男朋友屋企人住（上水）河上乡，佢屋企人话可以畀首期买新𠮶个楼盘，但就会好近6299（老爷奶奶）…😅”
除了担心与老爷奶奶住得太近外，跨区上班也是楼主的一大顾虑。她表示：“我返工返湾仔，但觉得好远咁，求意见。”
有网民指出楼主的真正纠结：“楼主直接啲啦，你个标题应该改做：要层楼定要二人世界”。有网民更打趣质疑，这该不会是区内的“楼盘广告？”
对此，楼主随后亲自留言澄清，指自己并非嫌弃男方家人，只是对新界北不熟悉：“我无话99（奶奶）唔好…只系呢…唔知点讲好… 其实已经揾咗 agent（经纪）搞抽签，只系我唔熟北区啫。”
北区街坊平反：通车后过海好快
对于楼主嫌远的顾虑，不少北区街坊及熟悉该区交通发展的网民为地区平反，指出日后北都区内的交通基建将大为改善。
有街坊直言：“北区人路过，最怕人哋未去过就觉得远😂 你知唔知上水坐东铁出金钟先系45分钟？你知唔知古洞站下年就通车？”、“你入伙时个站已经开咗，直坐去金钟，但唔知有冇位坐”、“迟下有地铁，好快见曙光”、“我住粉岭，通咗金钟之后已经好方便”。
事实上，港铁正在东铁线落马洲支线上兴建古洞站，而古洞站设于落马洲站及上水站之间，位处现时马草垄路与河上乡路之交界，即古洞北新发展区的市中心。东铁线古洞站目标于2027年即明年完成；待港铁北环线古洞站于未来落成后，乘客更还可在古洞站转乘东铁线及北环线。
网民聚焦：边个畀钱边个话事
虽然交通问题有望解决，但大批心水清的网民都将焦点放在“老爷奶奶出首期”这个潜在炸弹上，强烈建议楼主三思，以免日后在家中失去话语权。
有网民直言：“意见就系边个畀钱边个话事，如果系你阿爸阿妈畀首期、你住喺湾仔公司隔离都得。男家畀钱就男家话事、嫁得你都冇得拣”。
有网民警告：“千祈唔好，一定系用两公婆自己钱自己买楼，如果唔系你成世只会有低人一等嘅感觉，畀夫家食住你一世。”、“有时啲着数真系唔拎得！第时6299装修又管，得闲就上嚟指手画脚”。
有“高级大人”更以过来人身分大抛金句，劝勉楼主要保持经济独立：“未来老爷奶奶话帮你畀钱 = 间屋佢哋都有话事权，你到时就大镬😂 对你呢个屋企指指点点，可以自出自入，你反抗畀说话你听，你就会变得好卑微。（高级大人路过话你知😏 做女人最紧要自己有钱，有揸拿，咁先有地位，唔会畀人虾）”
网民教路：自己畀钱 或 唔畀锁匙
在反对声中，网民热心传授应对绝招。主张靠自己的网民强烈建议：“自己同男朋友畀钱买啦，如果要佢屋企人帮手，宁愿唔好买”、“有能力就自己畀钱啦，冇能力就唔好结婚住”、“建议两公婆自己钱置业”。
也有人提出折衷方案：“1. 叫自己父母出同金额首期，一齐拣一齐落名，大家咁高咁大；或 2. 拒绝两边父母帮忙，两公婆靠自己买，自己拣自己话事。”
至于认为“不拿白不拿”的网民，则教路首要条件是绝对不能交出门匙。但网民亦提醒这难度极高：“佢哋畀首期，你就预咗佢哋会有锁匙，随时上嚟你哋屋企，你冇得say no（说不）”、“记得唔好交锁匙畀两老，要同老公有共识。得闲去食个晚饭就够。”
更有网民直言：“大部分人讲就凶狠，讲到自己几咁清高都onＸＸ，楼主屋企／自己真系咁有能力就唔会上嚟问啦。当你首期两球嘢（200万），最紧要层楼佢哋无名，你哋供多几年按返层楼再去投资钱滚钱，呢几年乜X嘢装修锁匙话事权就是X但啦，到时揾到钱叫返两老过海同你XX都仲得。”
此外，也有人提醒楼主要考虑未来的生育计划：“有无谂住生小朋友？如果生就要谂有无需要两老帮手照顾，请唔请工人？”
妈妈级网民：纯粹想帮轻个仔
看着留言区一面倒防范“老爷奶奶”的言论，有身为母亲的网民感到十分无奈，分享了自己的初心：
“死火，咁多人唔钟意老爷奶奶出钱买楼。我储紧钱畀个仔第时结婚买楼，我都有谂到时畀嚿钱佢落佢名买楼，定系我买，畀佢两公婆住，唔住就算。但我作为阿妈心态，只系唔想个仔第时咁辛苦供楼，做阿妈尽帮。”
对此，有网民温暖地回复这位慈母：“你个仔命好啊，你咪储住先，到时佢有需要可以帮，但唔需要咪自己用。”
资料来源：Threads
相关阅读：
港铁北环线资料：https://mtrnorthernlink.hk/tc/about
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
