周国贤借AI创作音乐嫌太完美 要还30首歌债未有时间再搞骚

周国贤（Endy）今日（14日）到新城电台宣传新歌《仿生觉知》，以反思人工智能大行其道对人类的影响为题材，上月底于四场演唱会上首次献唱，并大获好评。周国贤受访时表示，两、三年前同朋友研究如何运用AI创作音乐，起初觉得新奇、功能众多，使用简单指令便能生成完整歌曲：“沉迷咗一段时间，后来发觉好似太完美、太锋利，好听到有啲刺耳！我哋想要返细个写歌嘅瑕疵、个人味道，所以而家原始咁用返一支木结他去写。首歌讲紧内心挣扎，到底用唔用？系我用紧佢？定佢用紧我？”Endy表示不抗拒人工智能，但要保持小心。

周国贤自弹自唱重拾写歌热血

周国贤撰写《仿生觉知》歌词时，浮现“明天将会世界末日”之感，“我自己搞咗个末日派对，点蜡烛，用木结他自弹自唱历年作品，由自己作嘅第一首歌，唱到到最近为止，𠮶时都有啲情绪，有感动，流咗两行眼泪，突然间好似充晒电，重拾二十年前写歌的感觉！”上月底举行演唱会时，周国贤指，同相识二十载的歌迷见面，就如老朋友一样，“见证佢哋结婚生仔，经历人生低潮，而家飞黄腾达，大家好似老朋友一样聚会。（再办演唱会？）交由公司决定啦！我欠人一身歌债，名单好长，要清咗啲作歌嘅债先。（欠多少歌？）冇三位数嘅，但二、三十首走唔甩！”

周国贤到新城电台宣传新歌《仿生觉知》。

周国贤上月底举行四场演唱会，首次唱《仿生觉知》。

周国贤曾经借助AI创作音乐，他嫌成品太完美。

新歌《仿生觉知》以反思人工智能大行其道对人类的影响为题材。

周国贤要还30首歌债，未有时间再搞骚。

周国贤朋友被某歌手骗财

谈到近况，周国贤称骗案频生，有骗徒冒认某一位歌手向他的朋友行骗，指身体抱恙，要钱应急：“我朋友好好人、有义气，谂都唔谂就过钱畀佢！之后查清楚，发觉个名唔同，就知道濑嘢喇！点知过咗个礼拜，个‘歌手’又揾返我朋友，话知道佢畀人呃，想去银行帮手搞啲手续攞返钱，问我朋友攞银行、个人资料，摆明系二次行骗！”他续说，今年网上出现有五个假社交媒体帐户，笑指粉丝储齐五张截图，“我觉得可以有诚意啲，唔好咁求其摆张相，同埋我唔会用自己个名囉，会型啲，唔系就咁Endy！系粉丝都好醒目，唔会中招。”